قضت محكمة جنح العجوزة، بتأجيل دعوى صاحب محلات كشري التحرير، ضد 'محمد عادل' المعروف إعلاميًا بعامل نظافة كشري التحرير، إلى جلسة السبت القادم الموافق يوم 24 يونيو الجاري، لاتهامه بنشر أخبار كاذبة والتشهير بالمحلات.
وأجرى موقع أهل مصر، لقاءً مع محمد عادل المشهور إعلاميًا بـ'عامل نظافة كشري التحرير'، والذي كشف فيه عن تفاصيل القضية، وتقديمه أوراق تثبت أنه لم يدعي كذبًا عمله في مهنة جامع القمامة.وقال 'عادل': 'أنا عملت في كشري التحرير محضر وبعدين سامحت فيه لقيتهم رافعين عليا قضية تشهير بالكذب وقالوا انا مش عامل نظافة، لكن أنا أثبت عكس ذلك وقدمت أوراق تثبت أني عامل نظافة'.
وتوعد عامل النظافة المسئولين عن مطعم 'كشري التحرير'، قائلًا: 'أنا زعلان ومش هسيب حقي.. مدير المطعم بيقولي اصل صاحب المحل مانع اي عامل نظافة يدخل المحل، أنا كنت قاطع بون شراء زي اي بني ادم، ان شاء الله القرار يطلع يوم 24 وربنا معايا ومش هسيب حقي'.
وأكد أنه سوف يتقدم بطلب تعويض عقب سماع حكم المحكمة، مضيفًا: 'بيقولوا عليا أنا كداب أنا صح ومفيش حاجة غلط وجبت للمحكمة كل الاوراق المطلوبة، أنا كنت داخل يجيب علبة كشري ليه بتطردني.. طردوني عشان خاطر اللبس دا في ناس في المحل أنا اللي مفروض ادخل المحمل وهما يخرجو، وأنا البس بدله الزبال عامل القمامة دي تزيدني شرف'.
وأكمل: 'أنا قطعت بون عشان اشتري انا كنت داخل بفلوسي اشتري اومال لو هطلب أكل ببلاش كانوا عملوا اية، ولو القضية خسرتها ربنا موجود معايا ويوفقني، وان شاء الله المحكمة تقف في صفي عشان حق ربنا'.
وتقدم مدير وشريك 'شركة إدارة وتشغيل مطاعم كشري التحرير'، ببلاغ ضد محمد عادل، في نيابة قسم العجوزة بالجيزة متهمًا إياه بالكذب والتشهير.
تابعوا آخر أهل مصر على Google News
