كهربا: الزمالك له فضل عليا.. والأهلي كان طموحي الأكبر

علق لاعب النادي الأهلي محمود كهربا على فكرة انتقاله من الزمالك للنادي الأهلي قائلًا: 'حققت مع الزمالك بطولات، لكن كان عندي طموحات أكبر من كده، ومن صغري وأنا أهلاوي، وبحضر في المدرجات مع الأولتراس، وكنت بعيط ساعات، وما حستش إني أكبر من الزمالك، وطموحي في الزمالك كان هيبقى صعب'.

وخلال استضافته ببرنامج 'أسرار' مع الإعلامية أميرة بدر المذاع على قناة النهار، تابع: 'الزمالك له فضل عليا، لكن الأهلي كان طموحي الأكبر، وانا اثق في نفسي من قدراتي لكن مش مغرور، ولما لعبت في البرتغال كان نادي صغير ومكنش هيقدمني، وجمهور الزمالك أحب اقولهم أنا ولا اذيتكم ولا شتمت وده اللي اتربيت عليه، واللي بيغلط فيا ربنا يسامحوا، أنا اتحاربت كتير، وأي حد في مكاني كان عمل أكتر من كده، لكن اللي فات مات'.

برنامج 'أسرار' تقدمه الإعلامية أميرة بدر على شاشة النهار يوميا خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.