حورية فرغلي: أنا قريبة من ربنا.. ومش هبلة ولا محتاجة لحد

تحدثت الفنانة حورية فرغلي، عن حياتها الشخصية، قائلة: 'الناس تشعر بأني ضعيفة، لكني لست غبية أو 'هبلة' أو 'عبيطة'.

وخلال حوارها مع الإعلامية بسمة وهبة مقدمة برنامج «العرافة»، على قناتي المحور والنهار، أكدت 'فرغلي' أنها ستقدم مسرحا للأطفال خلال الفترة المقبلة، متابعة: 'أنا قوية مش محتاجة لحد وقريبة من ربنا، لكن مفيش خبر حلو دلوقتي'.

وفي الجزء الأول من الحلقة التي أذيعت أمس السبت، تحدثت الفنانة حورية فرغلي، عن علاقتها بالعفاريت والجن، قائلة: 'الناس قالوا إنك بتشوفي الجن عشان عندك اضطرابات نفسية، فهمينا إيه اللي بيحصل في البيت عندك في البيت؟'.

وخلال حوارها مع الإعلامية بسمة وهبة، ببرنامج 'العرافة' المذاع على قناة 'المحور'، قالت: 'أولا اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب'.

وتابعت 'اشتريت الشقة 2013، في مرة كنت قاعدة في الشقة لاقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة، ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي'.

واستطردت :'كان فيه عفاريت معايا في الشقة ولا يؤذونني وأقرا سورة البقرة كل يوم جمعة وبشغل القرآن وهذا لا يضايقهم.. هؤلاء موجودين ولا يختفون رغم قراءة القرآن'.