شن الإعلامي خيري رمضان، هجومًا حادًا على اللاعب أحمد سيد زيزو، بسبب مبادرته بالنهوض لمصافحة وزير الرياضة، أشرف صبحي، في غرفة الملابس أثناء زيارة الفريق في أولمبياد باريس، قائلًا: «عيب يا أخي ده وزير مصر، يعني تقوم تقف، إنت بتعمل إيه».
وخلال برنامجه «مع خيري رمضان» على قناة المحور، تابع "رمضان": «يابني إحنا بنلعب كورة، إية القرننة دي ده وزير يمثل دولة ولما يدخل عليك تسعد وتسلم عليه، وهذا سلوك لا يليق بأي لاعب، هذا وزير يشغل منصب مهم في الدولة، إزاي تقعد بالشكل ده، لحد ما خلى الوزير يقوله تعالى اقف، وسلم عليه».
وأردف: «الصغير بيقف للكبير، واللاعب بيقف للمسؤول، إنتوا بتلعبوا كورة منفوخة بتجروا وراها أحنا بنحبها بس، وإنت ممكن تكون بتأخذ ملايين وأنت بلا قيمة، وعمر الملايين ماكانت معيار للأخلاق».
تابعوا آخر أهل مصر على Google News
