عمرو أديب منفعلًا بسبب أزمة شيرين وشركة روتانا: كل الأطراف خسرانة

طالب الإعلامي عمرو أديب بتدخل كل الأطراف المشتركة في أزمة الفنانة شيرين عبدالوهاب لحل أزمتها مع شركة روتانا.

وخلال تقديم برنامج "الحكاية" عبر فضائية "إم بي سي مصر" قال أديب: "اللي ليه حق لازم ياخده، سواء شيرين أو شركة روتانا، وأكيد في عقود بتحكم الشغل بينكم".

وتابع "أديب" منفعلًا: "شيرين موهبة مش هنقدر نشكك في موهبتها وصوتها، وروتانا لو ليها حقوق لازم تاخدها لكن الأزمة تنتهي، شيرين مش ناقصة يا جماعة، دي ليها سنتين في مشاكل وحوارات كتير، وأكيد الموضوع قابل للحل، لأن كده حاليا كل الأطراف خسرانة".

واختتم "أديب": "محدش عارف تفاصيل الأزمة لكن الأكيد أن كل الأطراف خسرانة، ولازم حد يتدخل ونحل الموضوع، لأن شيرين دي موهبة جميلة "دي كتلة عواطف"، لو الشركة عايزة تكمل مع شيرين خير وبركة، ولو مش عايزين يبقى زي ما دخلنا بالمعروف نخرج بالمعروف، لكن أنا عارف أن الشركة موافقة على الصلح".