رغم أن كلمة "عنوسة" تسبب الأذى النفسي للكثير من الفتيات ومؤخرًا أصبحت تطلق على الشباب، إلا ان فريقًا ما زال يرى "السنجلة جنتلة" ويفضلون عدم الارتباط العاطفي أو الزواج، وهذه أكثر أسبابهم لتفضيل الاستمرار "سينجل"...
** ليه البنات بتبحب تفضل سينجل:
1/ البنت "السينجل" دايماً بتبقى مشاركة في أي نشاط، فني أو رياضي أو رحلات أو فسح، من غير خناقات.
2/ البنات السينجل مفيش حد يقولها "لا" على حاجه هى نفسها تعملها وبيبقى عندها وقت وصحة "خاصة لو أبوها بيوافق".
3/ البنت السينجل تقدر تاكل اللي هي عاوزاه وقت ما تحب، مش لازم تاخد بالها بتاكل أيه وإزاى علشان اللي هي مرتبطة بيه ميغيرش رأيه فيها.
4/ البنت السينجل بتحس انها حرة وعندها حق الاختيارات والقرارات، مش علشان الشاب اللي مرتبط ببنت ببيفرض عليها سيطرته، بس معظم الوقت البنت بتفكر فى رأيى حبيبها أو رد فعله على اى حاجه تخصها هي.
5/ البنت السينجل بالها مرتاح ومعندهاش الضغط والسكر والعصبي، مش قاعدة تفكر الولد اللي مرتب بيها هو فين، ومع مين، وبيعمل ايه، ومعندهاش حد تكلمه كل شوية مكلمنيش ليه، ولسه بتحبني ولا زهقت منى.
6/ البنت السينجل بتقدر تجرب كل الحاجات الجديدة وتتعرف على اللى عاوزاه، وبتقدر تتعامل مع أي حد وفق شروطها هي، وبتحط هى الحدود لنفسها، وبتحاسب نفسها أو تتغير مع الناس عادي، معندهاش حد مستثنى من أنه يشوف مودها وحش.
ليه الولاد بيفضلوا يبقوا سينجل؟1/ الولد السينجل ممكن يروح أي حته مشي أو يتشعبط في أي ميكروباص، مش لازم يترسم قدامها ويتخانق مع أي حد يبصلها وحتى لو مش قاصد.
2/ السينجل فسحته على القهوة، أو يقعد مع شلته ويصرف في القعدة 50 جنيه ولو هو مسرف مش هيضيع 200 جنيه وتفضل معاه ببركتها أسبوع كامل، إنما المرتبط لو معاه 2000 جنيه هيصرفهم و هو مش حاسس.
3/ السينجل بيقعد يعمل لايكات وكومنتات لكل البنات، لكن المرتبط بيخاف يعمل شير لبوستات جرح و عتاب.
4/ السينجل بيحضر كل محاضراته في الجامعة، ولو مش هيحضر بيقضيها مع كل البنات اللى تعجبه، لكن لو مرتبط في الجامعة بيبقى متراقب بالضعف.
5/ السينجل بيقعد مع إخواته و أهلة و بيخرجوا يتفسحوا مع بعض، لكن المرتبط لو عنده وقت فاضي من الدراسة أو الشغل بيبقى لازم يخرج البنت اللى مرتبط بيها.
6/ الولد السينجل، باله مرتاح من الهدايا والمواجب والزيارات طول السنة، لكن المرتبط لازم يجيب هدايا طول السنة، مواسم وأعياد ورأس السنة الهجرية والميلادية والفالنتين ومولد النبي.
7/الولد السينجل مش مضطر يعمل أجندة تواريخ في دماغه، لكن المرتبط سنته سودة لو نسي عيد ميلاد حبيبته، أو عيد جوازه ومجابش هدية لمراته.
تابعوا آخر أهل مصر على Google News
