أعلن أحد فريق عمل مسلسل "العودة" عبر صفحته الشخصية علي موقع التواصل الاجتماعي فيسبوك عن توقف المسلسل وخروجه من الماراثون الرمضاني.
ونشر قائلا: "قدر الله ما شاء فعل.. مالناش نصيب في رمضان السنة دي.. المسلسل توقف "العودة".. بس اللي مضايقني إن الناس تربطك بعقد من شهر 11 ويطلعوا اوردر عمل للمسلسل في شهر يناير بالفعل ويتلغي ثم يقوله اسفين العمل بمجمله اتأجل أو اتلغي في آخر شهر 2 ورمضان في شهر ٥.. بقي ده اسمه كلام.. يعني مافيش أي ضوابط لفكرة إنه يتم حجز كرو عمل مسلسل كامل علي ذمة التحضير للعمل لمدة ٤ شهور تقريبا وبالتبعية التقليل من فرص العمل الأخري لهذا الكرو بالكامل نتيجة لارتباطنا بعقود فعلية مع الشركة المنتجة ( وطبعا وسائل التواصل الاجتماعي خلت الناس كلها عارفة مين بيعمل ايه السنة دي واخص بالذكر جروبات الواتس آب للأقسام )، ويكون مقابل ذلك مجرد اعتذار بسيط ع الواتس آب وكأن شيئا لم يكن!!، طيب حضرتك بالنسبة للناس اللي علقتهم معاك واعتمدوا علي انهم شغالين السنة دي معاك مش المفروض ع الاقل ادبيا تطلع بيان حتي وتعلن عن اسباب التوقف او التآجيل للعمل.. ده الي جانب انه من المؤكد وقوع الضرر المادي والمعنوي عليهم نتيجة لتوقف العمل او تأجيله.
مسلسل العودة بطولة محمد رجب وإيمان العاصي وخالد سليم وأيمي سالم إنتاج مصر السينما كامل أبو علي وإعلام المصريين أحمد أبو هشيمة.
تابعوا آخر أهل مصر على Google News
