نشرت القناة الرسمية لوزارة الدفاع والإنتاج الحربي على موقع "يوتيوب"، قبل قليل، فيديو "شعر في حب مصر" لـ"المقاتل رأفت"، أحد رجال المنطقة الجنوبية العسكرية، وجاء نصه كالتالي:
هاتولي بدل القلم أقلام.. وهاتولي كمان شوية دفاتر
هتسمعوا منى أحلى كلام.. وسط الآن أرجل عساكر
ياريت أقلامكم بس تكفي.. وأنا بعدد ليكم محاسنها
في عز البرد بكون مدفي.. لما يقولوا يا محسنها
الاسم مصر بلد الأمان.. الاسم مصر بلد الحضارة
العمر كبير أوعي تعد.. عمره مشابها أي حقارة
الأصل فيها أبًا على جد
أول معملنا سكة حديد.. العالم العربي كله اتجنن
كانت صحبتنا والدة جديدة.. بيبي صغير لسه بيسنن
حبت تعمل فيها كبيرة.. بص لحجمك الأول يا ولدي
راحت تدعي لقناة الجزيرة.. عشان تشوه سمعة بلدي
بس الشعب كشف المؤامرة.. عشان شعبك واعي يا بلدي
راحت طلعت من المغامرة بلاش أتكلم مالهاش داعي
عمر الكبير مكان بفلوسه.. أصل الكبير كبير من يومه
ده احنا يا عالم عليها ندوسه.. ويبقي الوطن ملو هدومه
هتفضل مكانتك يا بلدي عالية.. والإرهاب بايدنا نهده
مفيش بلد منه خالية.. لكن بعون الله هنصده
مفيش فرق بين مسلم ومسيحي.. الكل عايزك تستريحي
وتعلي بلدنا كمان وتعيش.. مصر بعون الله محفوظة
مصر تبقي صمام الأمان.. إنتي يا بلدي أكيد محظوظة
ذكرك ربي في القرآن.. إحنا بنعيش عصر جديد.. مشفناهوش من أيام خوفو
حد فكر في الصعيد.. وقال أطل عليه وأشوفه
غير لما جيت يا ريس إنت.. ورحت كمان قاعد وسطينا
كنا بنسأل هيكون أمتى.. يجي ريس يهتم بينا
فتحت طرق وكمان مشاريع.. واستجبت لكل مناشدة
رحت أصدرت الأمر سريع.. قال في فدان لأهل المراشدة
عشان أرض ملك الدولة.. وناس عليها عايزة تعيش.. مدتهاش ليهم مقاولة.. وخليت يدفع تمنها الجيش
رجعت كمان حق الشعب.. في أملاك كانت مغصوبة
بطلنا نسمع كلمة صعب.. كل خطوة بقيت محسوبة
في جيشنا هكتب دوواين.. أكتب وأسرح جوه خيالك
شايفين جيشنا بيفطر فين.. وأنت بتفطر وسط عيالك
قاعد بيفطر وجنبه سلاحه.. ومستعد لأي خيانة
أهم لحظة عنده نجاحه.. لما يتصدي لشلة جبانة
بلغ يا فندم الريس رسالة.. تاريخ وشعب بين ايديك
ميهمكش أي حثالة.. كل هامه يعرقل رجالك
أرضي شعبك.. وقبله ربك.. وخليك واثق مهما هيحصل
شعبك يا ريس كله يحبك.. واللي معاه ربه ماهيخسر
تابعوا آخر أهل مصر على Google News
