بم أن الصيف مستمر في ارتفاع درجة الحرارة، وناس كتير هاتفكر تنزل الجيم عشان تداري جريمة الأكل في الشتا نحب نفكرك بالشخصيات المعتادة اللي ممكن تقابلها في كل جيم:
مدمن السيلفي
في ناس بتروح الجيم عشان تعمل جسم رياضي أو يتخلص من الوزن الزايد أو حتي لتحسين الصحة..انما في ناس تانية الجيم بالنسبة لهم هو جلسة تصوير سيلفي مكثفة، بين كل تمرين وتمرين لازم ياخدله مجموعة من السيلفي لتوثيق هذا الحدث العظيم.
عاشق المرايات
من الطبيعي أنك تراقب التطور اللي بتوصله مع التمرين.. لكن الأكيد ان التقدم ده مش هايحصل فجأة بعد كل تمرين، فاهتلاقي ناس مقضية وقتها في الجيم بيعرض نفسه بعد كل وزن شاله قدام المرايا.
الساعي وراء ال check in
في ناس بتروح الجيم بس عشان يعمل check in أو يحط صورته ع الفيس بوك.
عاشق الأوبرا والمؤثرات الصوتية
بداية من “عاش” و“هو ده” و“الله عليك”، لغاية بعض الأصوات اللي ما تسمحش بيها الرقابة لما يشيل أي أوزان حتي لو نص كيلو..
unnamed-3-.png
وده بقي صاحبنا اللي ماشي في أرجاء الجيم متباهيًا بالباي والتراي والسكس باكس ،كأنه فتح أورشليم.من غير ما يستخدم جهاز واحد.. وماشي يوزع نصايح علي كل حد.. ماتشيلش الوزن كده شيله كده !
تابعوا آخر أهل مصر على Google News
