علق أحمد حسام "ميدو" نجم نادي الزمالك السابق، على فيديو الألفاظ الخارجة المسرب له رفقة أعضاء الأستوديو التحليلي لقناة أون سبورت، لمباراة مصر والبرتغال الودية، التي أقيمت أمس الجمعة.
وكتب ميدو، عبر حسابه الشخصي على موقع التواصل الاجتماعي: "إمبارح اتسرب فيديو واحنا قاعدين في الفاصل بنعتذر طبعا لكل الناس على كل لفظ خارج فيه وإن شاء الله هنجيب الخائن للأمانة في أسرع وقت ممكن .. أكيد مش ذنب أي حد إنه يسمع الألفاظ دي!!".
وأضاف: "أما عن الشباب اللي عايشة الدور ومصدومين من الألفاظ وكده وكانوا فاكرين إن احنا واحنا بنتكلم مع بعض بنبيع سبح وفوانيس فبقولهم معلش ماتتخضش ميدو عمره ما عمل نفسه ملاك ولا عايز الناس تفتكره ملاك!!".
واختتم تصريحاته: "كلنا واحنا بيننا وبين بعض بنهزر وبنضحك وأكيد لو أي حد سجل ليك أنت وصحابك في كلام أكتر من كده ممكن يطلع.. مرة تانية باوعدكم هنجيب اللي سرب الفيديو ومش هنسيبه!! صباح الفل عليكم جميعا!!".
يذكر أن هناك فيديو تم تسربيه، لحديث جانبي بين أعضاء الأستوديو التحليلي ميدو وحازم إمام ومجدي عبدالغني وسيف زاهر، حيث تضمن ألفاظ خارجة، أثارت غضب المشاهدين.
تابعوا آخر أهل مصر على Google News
