تبحث الفتيات دائما عن طريق مبتكرة وسهلة، لإظهار العينين، لما لهما من جمال يضاف إليهن في حالة إظهارها.
وفي هذا الإطار، نقدم لكي 4 نصائح لإظهار العينين:
النصيحة الأولى:
ماترسميش خط الايلاينر على طول مساحة الجفن، لأنه ده هيبين عينيكى أضيق وأصغر، ارسمى الخط من بعد بداية العين بشوية "قريب من منتصف الجفن" ومديه لحد الأخر لفوق مش لتحت علشان الجفن العلوى للعين مايبانش واقع، وبعدين ارسمى الجناح بالشكل اللى تحبيه وحاولي يبقى لفوق برده وممكن كمان تستخدمى تكنيك الدمج مع الايلاينر أو الـ اسهل طريقة لرسم السمدج ايلينر فى 4 خطوات.
النصيحة التانية:
علشان عينيكى تبان اكبر لأى حد يبصلك،استخدمى الكحل و الايشادو الابيض، وممكن تستخدميه على زوايا العين لداخلية و الخارجية كمان علشان توسعى عينيكى، كمان الكحل الأبيض هيضيعاى مظاهر إرهاق أو تعب على عينيكى.
النصيحة التالتة:
الايشادو والرموش السميكة والكثيفة كمان هتساعدك أنه عينيكى تبان واسعة، وده مش معناه أنه بالضرورة لازم تستخدمى درجات والوان الايشادو الأسود أو الغامقة، بالعكس ممكن تستخدمى ألوان غنية وواضحة وكمان تقدرى تستخدمى الألوان النيود والـskin tones، والعبى على تضارب الألوان علشان تقدرى تعملى contrast يخلى عينيكى تبان واسعة وbright، ألوان الايشادو من درجات الأحضر والأزرق بتعتبر مثالية للعيون الصغيرة فى موضة الربيع والصيف الجاية.
النصيحة الرابعة:
جربى تستخدمى كمان الـneutral shade tones أو درجات الألوان المحايدة على تجعد الجفن العلوي للعين، علشان تساعدى عينيكى أنها تبان عميقة وواسعة أكتر.
وبكده تكونى عرفتى معانا بنصايح بسيطة وسهلة إزاى تخلى عينكى تبان أوسع من غير أي مجهود أو تعب، إعرفى معانا كمان 10 حيل ونصايح بالمكياج تخلي بيهم عينك أوسع.
تابعوا آخر أهل مصر على Google News
