أجرى "أهل مصر" حوارا مع أرملة المخرج الشهير رحمي ، المهندسة فوقية خفاجي، من خلال برنامج " رمضان مع كريم "
والتي أكدت أنها لم تكن زوجة رحمي فقط بل كانت تلميذته ومساعدته في مجال فنون الأطفال والعرائس طوال حياته.
- ما الذى جعل الفنان الراحل رحمي يتجه إلى فن العرائس بالذات؟
رحمي اهتم بفن الطفل لأنه يعتبره أهم وأخطر الفنون.
- مسلسل "حدوتة لتوتة" لم يأخذ نفس الزخم الخاص بمسلسل "بوجي وطمطم".. لماذا؟
مسلسل "حدوتة لتوتة" كان إنتاج الستيينات ولموسم واحد فقط، 30 حلقة، ومكملش علشان بدأنا "بوجي وطمطم" السنة اللي بعدها،
وفكرة المسلسل هي قصة حياة الفناة رحمي، وتحكي عن فنان عرائس معه أولاد أخيه "توتة وسمسمة"وبيحكليهم كل يوم حدوتة ومن هنا جه اسم "حدوتة لتوتة".
- مسلسل "بوجي وطمطم" أخذ كم من الوقت، وما هي أكثر شخصية تعبتما في صنعها؟
الفنان رحمي كان هدفه صنع عروسة مصرية للطفل المصري زي ما كل بلاد العالم عندها العرائس والكارتون بتاعه، وأول حاجة صنعها كان بوجي اللي اتعمل على شكل قرد كناية عن شقاوته المبالغ فيها زي ما بنقول على الود الشقي ده شقي زي القرد، ومحدش حس أنه قرد وتعاملوا معاه على أنه طفل وده سر عبقرية الفنان رحمي.
كما أن رحمي بدأ يضيف شخصيات جديدة ويكبر الدراما الخاصة بالمسلسل فأضاف شخصيات زيكا وزيكو ومرمر وطماطم الصغيرة وطنط شفيقة، اللي موجودة في كل بيت، الست المتسلطة القوية اللي بتحب تتحكم في كل حاجة، بالإضافة لعم شكشك أكثر عروسة تعبته في النحت، أشتغل على كذا عينة منه لحد ما وصل للشخصية النهائية اللي موجودة في كل حارة وشارع مصري الرجل اللي على المعاش اللي قاعد في الشباك أو البلكونة طوال اليوم علشان ينتقد كل حاجة ويتخانق مع الناس ويترحم على أيام زمان.
- بعد كل هذه السنين مازال المصريون مهتمين بـ"بوجي وطمطم" ويتمنون مشاهدته قريبا على الشاشة؟
بزعل جدا لما أشوف الجمال والفن ده والإبداع ده كله محطوط في بيت الفنان رحمي ونفسي يرجعوا تاني علشان الطفل المصري محتاجكهم ومحتاجك فنهم والرسائل اللي بتقدموها من خلال حلقاتهم.
وأخيرا لقينا فنان موهب كاتب نص كويس قوي يليق بـ"بوجي وطمطم"، ولو توافرت باقي الأشياء من إنتاج قوي وفريق عمل إلى آخره يبقى هتشوفوا "بوجي وطمطم" في رمضان الجاي.
تابعوا آخر أهل مصر على Google News
