سما المصري تعلق على عودة تركي آل شيخ: "مصر أكبر من أي حد في الدنيا"

علقت سما المصري، على عودة تركي آل شيخ لرئاسة نادي بيراميدز، وذلك عبر حسابها الشخصي بموقع تبادل الصور والفيديوهات الشهير إنستجرام، وكتبت: "الراجل دا لا هيكمل في الكورة ولا في الفن.. يعني لا هيستمر رئيس لنادي بيراميدز ولا هيعمل شغل لكل الفنانين اللي تعاقد معاهم وابقي قولوا سوسو قالت، هي حلاوة روح شوية كدة وخلاص وبصراحة هو حد مستفز جدا بالنسبة لي ومن ساعة ماجه مصر والجماهير مشحونة والشباب زعلانة على البلد والأندية عمالة تشتم في بعض".

اقرأ أيضا.. وفاة والدة مصطفى خاطر.. وإيهاب فهمي يعلن موعد العزاء

وتابعت سما المصري: "الأهلي والزمالك أكبر منك ياعم الحج ماشي؟ والجمهور مش هيسيبك هيشتمك تاني عشان أنت مش عارف تخليهم يحبوك بسبب تصرفاتك وتصريحاتك المستفزة العنترية كان الباشا هو صاحب البلد واحنا ضيوف عنده.. مرة يقول هاسحب استثماراتي ومرة هارجع عن قراري ياعم خليك قد كلمتك مرة ولا اتعديت من حنفي وبقيت تقلده؟ ياعم هي مصر مستنياك تستثمر فيها؟ أنت هتذل أبونا ماتنسحب وتمشي وتريحنا من الموال دا وترتاح.. أنت بتحب الشو وبس ومصر أكبر من أي حد في الدنيا ومنك أنت بالذات.. فوووق احنا التاريخ والحضارة والملك عبد الله، الله يرحمه كان عارف قيمة مصر والملك سلمان هو والشيخ زايد رحمة الله عليه وياما وقفوا جنب مصر، وولادهم برضو بيحبوا مصر بجد".

View this post on Instagram

انا ماكنتش عايزه اعلق علي اللي بيعمله الراجل دا في مصر بس ناس كتير طلبت رايي وانتوا عارفيني مابعرفش اسكت بس البوست دا للزمن سجلوه وافتكروه كويس الراجل دا لا هيكمل في الكوره ولا في الفن...يعني لا هيستمر رئيس لنادي بيراميدز ولا هيعمل شغل لكل الفنانين اللي تعاقد معاهم وابقي قولوا سوسو قالت هي حلاوه روح شويه كده وخلاص وبصراحه هو حد مستفز جدا بالنسبه لي ومن ساعه ماجه مصر والجماهير مشحونه والشباب زعلانه علي البلد والانديه عماله تشتم في بعض...الاهلي والزمالك اكبر منك ياعم الحج ماشي؟؟؟ والجمهور مش هيسيبك هيشتمك تاني عشان انت مش عارف تخليهم يحبوك بسبب تصرفاتك وتصريحاتك المستفزه العنتريه كان الباشا هو صاحب البلد واحنا ضيوف عنده...مره يقول هاسحب استثماراتي و مره هارجع عن قراري ياعم خليك قد كلمتك مره ولا اتعديت من حنفي وبقيت تقلده؟؟ ياعم هي مصر مستنياك تستثمر فيها؟؟ انت هتنزل ابونا ماتنسحب وتمشي وتريحنا من الموال دا وترتاح ...انت بتحب الشو وبس و مصر أكبر من أي حد في الدنيا ومنك انت بالذات ...فوووق احنا التاريخ والحضارة والملك عبد الله الله يرحمه كان عارف قيمه مصر والملك سلمان هو والشيخ زايد رحمه الله عليه وياما وقفوا جنب مصر من غير ماحد يقول عملت واديت ودفعت وولادهم برضو بيحبوا مصر بجد... عيب عليك مصر خيرها علي الدنيا كلها وعلي المنطقه بالكامل...طبعا كلامي مش هيعجبك فهتسلط المكلمنجي الدلدول ابو لسان طويل بتاعك يطلع يشتمني ذي مادايما بتسلطه يشتم اللي مش عاجبك بس عادي ابو لسان طويل بيشتمني بيك ومن غيرك هو مش طايقني من ايام ماكنت باشتم الإخوان وهو بيقول عليهم فصيل وطني شريف ولو ناسي هافكره بالفيديو....ياضنايا#مصر_فوق_الجميع اوعي تنسي ياكابتن بس لو نسيت الجمهور هيفكرك ياطال عمره...🤗🤗🤗🤗 A post shared by سما المصري (@samaelmasrii) on Feb 24, 2019 at 3:33am PST

واختمت سما المصري: "عيب عليك مصر خيرها على الدنيا كلها وعلى المنطقة بالكامل.. طبعا كلامي مش هيعجبك فهتسلط المكلمنجي الدلدول أبو لسان طويل بتاعك يطلع يشتمني ذي ما دايما بتسلطه يشتم اللي مش عاجبك بس عادي أبو لسان طويل بيشتمني بيك ومن غيرك هو مش طايقني من أيام ماكنت باشتم الإخوان وهو بيقول عليهم فصيل وطني شريف ولو ناسي هافكره بالفيديو.. ياضنايا مصر فوق الجميع أوعى تنسي ياكابتن بس لو نسيت الجمهور هيفكرك يا طال عمره".