كشف الإعلامي طارق عبد الجابر، مراسل التليفزيون المصري الأسبق عن كواليس عودته على مصر، وتفاصيل أول ظهور إعلامي له مع الإعلامي وائل الإبراشي في برنامج «العاشرة مساءً».
وصولي للمطار.. وحكاية «صورة السجود»
روى «عبد الجابر» في تصريحات خاصة لـ «أهل مصر» تفاصيل اللحظات الأولى له في مطار القاهرة، قائلًا: «لقد سجدت لله شكرًا لحظة وصولي أرض مصر، ولكني رفضت عرض تلك الصورة إلا في أول لقاء تلفزيوني معي، بالرغم من عرض إحدى الوكالات الأجنبية عرض تلك الصورة».
أول ظهور ليا كنت «مخطوف»
وأضاف مراسل التليفزيون المصري الأسبق: «الزميل إسلام النحراوي، مدير تحرير العاشرة مساءً، حارب عشان اطلع معاه في اول ظهور إعلامي ليا بعد رجوعي لمصر»، وأضاف ساخرًا: «تقدر تقول كده خطفني اول ما وصلت».
وتابع «عبد الجابر»: «إسلام اتصل عليا، وماكنتش جبت رقم مصري ساعتها، وقال لي انا منتظرك في المطار، قلت له أنا مروح ف الطريق للبيت، قال لي خلاص انا جاي لك».
واستطرد: «إسلام ما كانش يعرف عنوان بيتي ساعتها، واستعان بأحد الزملاء، وأول ما قابت الاثنين، قال لي عاوزك تطلع معايا في العاشرة مساءً، رديت عليه أنا مش هطلع في أي حاجة النهاردة ولا بكره».
عبد الجابر والظهور بـ «ملابس البيت»
قال «عبد الجابر»: «إسلام عشان يقنعني إن أطلع معاه قال لي خلاص بلاش تطلع هوا ولا تعمل مقابلة وعشان تصدق تعالى بهدوم البيت، وبالفعل أول ما رحنا ما دخلناش استوديو، دخلنا حجرة الأستاذ وائل الإبراشي، وقعدوا يصوروا فيا وأنا بغني وأنا بتكلم».
الحسيني و«طبنجة الحسيني»
قال طارق عبدالجابر: «فوجئت في اليوم التالي بيوسف الحسيني قدام بيتي ومعاه سلاحه، وبيقول لي بهزار أنت هتصور معايا يعني هتصور معايا».
وأضاف عبدالجابر: «يوسف الحسيني كان مجهز برومو ظهوري معاه في البرنامج، قبل ما ييجي بيتي».
لو كان إبراهيم عيسى طلبني كنت هروح له
قال مراسل التليفزيون المصري الأسبق: «قنوات كتير طلبوني عشان اظهر معاهم، لكن أنا فضلت عدم الظهور، لكن في ناس لو كانت طلبتني كنت ظهرت معاهم، يعني مثلا إبراهيم عيسى لو كان طلب مني إني أظهر معاه، ما كنتش هرفض، لأنه شخص هادي».
تابعوا آخر أهل مصر على Google News
