قال الفنان مصطفى هريدي، أنه يحضر في الفترة الحالية لعمل جديد يخوض به سباق مسلسلات رمضان 2020، لافتا إلى أنه سيعلن تفاصيل العمل بعدما يوقع بشكل رسمي.
مصطفى هريدي يكشف سر غيابه
وعن سبب اختفائه خلال الفترة الماضية، قال مصطفى هريدي: "اخر حاجة علمتها كانت رمضان قبل اللي فات مسلسل
"عفاريت عدلي علام"، متابعا: "قعدت فترة بعد 2012 وانا خارج مصر ورجعت 2016 .. الفترة اللي مرت بيها مصر كانت صعبة فاختارت ابعد عن الوضع الصعب اللي كان موجود في البلد فسافرت الاردن اشتغلت في الفن مع ناس اصدقائي في الاردن واشتغلت فى حاجة كانت مهمة السفارة المصرية هناك".
وواصل هريدي حديثه: "العمال المصريين الذين بيسافرو عشان يشتغلوا في الخارج او الدول العربية بتقابلهم قضية محدش كان منتبه ليها سلامتهم اولا لأنهم بيشتغلوا فأعمال ممكن تعرضهم لخطر أو حوادث وفاة تحصلهم.. وهناك السفارة المصرية والقنصل المصري شريف مختار اهتموا بالموضوع ده جدا نظرا لوجود جالية كبيرة في الاردن حوالي 800 ألف وقطاع العمالة".
اقرأ أيضا.. مصطفى هريدي: عادل إمام قال لى إنت ربنا خلقك كده.. الناس تشوفك تضحك (فيديو)
وتابع مصطفى هريدي: "فاتفقوا مع شركة تأمين على انهم يعملوا بوليصة تأمين للمصريين الشغالين هناك تغطي تكاليف علاجهم لو تعرضوا لحادثة او إصابة او اي شئ وكانت أول سفارة لينا في الخارج تطبق الموضوع ده.. فالمفروض كانوا يوصلوا لأكبر عدد من المصريين وعشان كدا استغلو وجودي في الأردن نظرا لحب الناس ليا كفنان".
تابعوا آخر أهل مصر على Google News
