هاجم الممثل باسم مغنية المخرجة ريما الرحباني ابنة الفنانة الكبيرة فيروز بعدما فتحت النار على مهرجانات بعلبك الدولية، حيث أنهما لما يستأذنوا قبل إعادة توزيع أعمال الأخوين رحباني.
هجوم باسم مغينة على ريما الرحباني
كتب باسم مغينة عبر حسابه بموقع التدوينات 'تويتر': ' ريما الرحباني، رغم أن هناك وجهة نظر ببعض مما تقول.لكن دائما أسلوبها يتخطى المحظور. أسلوبها في التعبير لا يشبه رقي عائلة الرحباني. هنا لا تصح المقولة(هذا الشبل من ذاك الاسد )،هذه المقولة تجوز على زياد.فيروز العظيمة نحن اولادها. مهرجانات بعلبك لم تخطئ بحق فيروز، بل تفتخر بها'.
هجوم ريما الرحباني على بعلبك
وكانت ريما الرحباني ابنة فيروز هاجمت مهرجانات بعلبك، وكتبت عبر حسابها بموقع التواصل الإجتماعي 'فيسبوك': 'لجنة ولدنات بعلبك
دخلكن الاخوين مش تنين؟ ما فهمت انا اذا بدكن تعيدوا اي عمل من اعمالن. اولاً مش لازم تاخدوا إذن من التنين؟ وخاصة إنّو من سنتين او تلاتة رحلكن إنذار بهالخصوص؟ وإلا نسيتو؟'.
وتابعت: 'تانياً لما تاخدوا عمل تتعيدوه الأصول تعيدوه بصيغتو الأصلية المشرّفة إلكن ولغيركن وأكتر بكتير واللي كرمالا انتو عم تعيدوه والا كيف؟ انو شو بها الموسيقى الأصلية تينعاد توزيعا؟ وسلّمنا جدلاً انّو حابين ينعاد توزيعا، مع اني انا ضد ميّة بالميّة ودايما انا مع الأصليّة، هيك عمل في شي اسمو إذن اولاً لإعادة التوزيع، وفي مسؤولية وفي قيّمين آخرين أولى يوزّعوا ويشيروا ويبدوا رأين هاي مسؤولية كبيرة ما بيقرّرها مين ما كان'.
وأضافت: 'تالتاً لما بدكن تستعملوا صور لفيروز مش لازم تستأذنوها؟، رابعاً مش لازم يكون عندكن الحد الأدنى من اللياقة وتعرفوا حجم كل اسم قديه بيكون؟ لأنو الحجم إلو علاقة بالفعل بلا معلميّة يعني، خامساً صح النوم مش للأخوين؟ وما مرقت عندكن بال ٢٠٠٦؟، سادساً ما فهمنا شو خص المتنبي وكيف سلحب ع الأخوين؟ هيدا كان لازم يمرق فرداوي اذا شي متل البقيّة وإلا قصدكن إعتراف انّو من الأساس ملطوش من الاخوين؟'.
وأكملت حديثها وقالت: 'سابعاً مش كان لازم تستشيرونا بإختيار العمل وفقاً للمناسبة؟ انا يمكن كنت فضّلت جبال الصوان على فخر الدين مؤاتية للوضع أكتر خاصة وإنّو كل الشعب إستشهد ع البوابة من الجوع والسرقة والفحش والبطر تبعكن وتبع الحكّام اللي فوقكن! اللي خرّب البلد هنّي امثالكن اللي بيِنهَبوا الدولة ومال الدولة لتمويل هيك مشاريع ومن جيوب الناس هنّي وفاتك الدولة والفاتك بالدولة وطبعاً فاتك بالجمع يعني فواتك الدولة.. إي، ما بعرف شو قصدكن بفخر الدين بهالمرحلة بالذات وهوّي الدين بالذات اللي قضى ع فخرنا وعلينا مش كورونا والا شفتو الغرب هيك عمل نسختوه لأن هيدا اللي شاطرين فيه النسخ!، ثامناً ما فهمنا ليه نينا سيمون وام كلثوم و و و و بيمرقوا سيدا وفيروز بتمرق يتبع؟ أيّة عبقري فيكن ابتدع هالشي؟، تاسعاً الشحادة ع بعلبك مش من شِيَم الأخوين ولا من شِيَم فيروز، عاشراً مجد بعلبك عملوه فيروز ونصري وصباح ووديع وهدى وملحم بركات وايلي شويري........... مش إنتو اللي عملتوه واكيد مش هونيك جوقة مش عارفة المِنجَيرة من المهَيرة يه يه يه والا بيّي راح اللي طالعة متل فريرو جاكو! والله عيب! الله يرحم مي عريضة!'.
واختتمت ريما الرحباني حديثها وقالت: 'حادي عشر عدا عن إنّو الاخوين مع كل عبقريتن وإبتكارن وعظمتن ونبوغن وفرادتن و و و..... لولا صوت فيروز وشخص فيروز كانوا كسّروا الأرض صحيح بس محليّا وإن فلقت حالا عربياً يجوز! بس مش عالمياً اكيد وهنّي على فكرة كانوا بيعرفوا تماما هالشي وراضيين وما كان عندن ولا أي مشكلة ما بعرف ليه الآخرين عم يجرّبوا يغيّروا هالواقع بإلحاح وإصرار صار مُمل وصارخ وفاشل اخي حلّوا عن هالارث بقى حلّوا عنّو كفاه تشويه وتحريف! فرجونا عبقريتكن بلاه! ورجونا والله مننبسطلكن وانا اوّل وحدة بزقّفلكن وقوفاً بس ورجونا، بعلبك تهدّمت وإنتو هدّمتوها اكتر، القلعة حجار وشو نفع الحجار بلا ناس، آه يابوي شو كان معك حق برحيل الآلهة عن بعلبك، فعلاً راحوا متل الحلم راحوا، خلّيلكن لبنان الكبير إنتو والمُتعربشين الصغار، زوّرتوا التاريخ زوّرتوا البلد وبأمثالكن الله لا يردّو'.
تابعوا آخر أهل مصر على Google News
