دومينيك حوراني تُعلق على أزمة المايوه الشرعي: مقدرش ألبس بكيني عشان عيب (خاص)

علقت الفنانة اللبنانية دومينيك حوراني على الأزمة الخاصة بالمايوه الشرعي أو البوركيني، والأزمة التي تثار حوله مؤخرا ومطالبة البعض بمنعه، وآخرين يرون أنها حرية شخصية لابد من احترامها.

وقالت دومينيك حوراني في تصريح لـ أهل مصر، أن كل شخص حر في تصرفاته وفي اختيار الملابس التي يرغب بها والتي يرى أنها مناسبة له، على حسب المعتقدات الدينية والقناعة الشخصية، والبحر ملك للجميع، وأي شخص من حقه أن ينزل البحر ويستمتع به بالملابس التي يريدها، ولا ينبغي لأحد أن يتدخل في حياة الآخرين.

وتابعت دومينيك قائلة :"كل واحد عنده عقيدة معينة ياريت نحترم بعض كلنا، واللي عايز ينزل ببكيني ينزل واللي عايز ينزل مايو شرعي ينزل ياريت احترام الجميع وكل واحد يعمل اللي هو عايزه وفيه شواطيء بس للعائلات والمحجبات ياريت نحترمها ونحترم اللبس ".

وأضافت :" أنا اصلا مبحبش ألبس مايوه بكيني في الأماكن اللي فيها الناس لابسين مايوه شرعي عشان عيب ولازم أحترم وجودهم مع أزواجهم وعيالهم فغلط يعني أنزل بمايوه عادي.. ياريت نراعي شعور الناس مش كلنا شبه بعض".

واختتمت دومينيك قائلة :"بالأخلاق والإنسانية شبه بعض إنما بالعقائد واللبس والحشمة مختلفين عن بعض فياريت نحترم ده ومحدش يدخل في الحياة الخاصة لأي حد، وأنا مش بقبل حد يدخل في حياتي ولبسي وأنا بحترم نفسي والناس اللي جمبي وكل مناسبة ليها لبسها وكل مكان له لبس معين لازم الاحترام وبس ".