أعلن الفنان كريم سرور أحد أبطال مسلسل الأب الروحي خبر إصابته بفيروس 'كورونا' المستجد، والذي هاجم جهازه الهضمي قبل التنفسي، وذلك عبر حسابه بموقع التواصل الإجتماعي 'فيسبوك'، وكتب سرور: 'كنت متردد جداً فى كتابة البوست ده بس قلت لازم الناس تعرف عشان تاخد بالها و لله الأمر من قبل و من بعد'.
كريم سرور يعلن إصابته بفيروس كورونا
وتابع: 'أعراض فيروس كورونا المستجد ( الموجة التانية من الڤيروس ) هو إصابة الجهاز الهضمى قبل التنفسى .. فيه أعراض أولية معروفة و شائعة زى تكسير شديد فى الجسم و سخونية عالية جداً وبتنزل فجأة بدون مبرر وفجأة تعلى تانى اوى، ضيق فى التنفس برضه مش طول الوقت خفقان فى القلب و زيادة سرعة ضرباته بشكل يخوف جداً فقدان الشهية و عدم الاحساس بالطعام'.
وأضاف: 'اما الاعراض المستجدة بالنسبة للمعروف للناس هو ألم شديد فى البطن .. المعدة والقولون ، اسهال شديد و شوية و بيقلب بإمساك شديد .. ألم المعدة بيمتد للجناب و الضهر و احياناً الرقبة .. و حاجة كدة اشبه بحالات الإغماء بتستمر لمدة ١٠ دقايق او نص ساعة بالكتير و ده أظن بسبب مقاومة الجهاز المناعى للڤيروس لأنه ساعتها بتكون درجة حرارتى عالية جداً'.
اختتم كلامه: 'شعور مستمر بالقيئ بس مبيحصلش و اظن دى طبيعة جسمى أنا عادة مبرجعش خالص .. الأعراض غير مستقرة و بتيجى و تروح وتقل و تزيد و الثابت فيها هو عدم القدرة على التنفس بشكل جيد ( كأن فيه حاجة على صدرك ) و ألام شديدة فى البطن .. دى الأعراض اللى عندى بقالها ١١ يوم و أنا كنت فاكر إنها من القرحة المزمنة اللى عندى لحد ما حللت و التشخيص كان إصابتى بڤيروس كورونا المستجد .. الأعراض كانت شديدة جداً و لا تحتمل فى أول ٤ أو خمس ايام و بعدين بدأت تقل لكنها فجأة بتزيد جداً .. بس انا احسن دلوقتى الحمدلله إتمنولى الشفاء و أى حد خالطنى فى آخر ٢٥ يوم يتأكد إنه تمام بس .. أسف جداً أكيد مكنتش اعرف ، شكراً'.
تابعوا آخر أهل مصر على Google News
