القصة الكاملة حول القبض على حمو بيكا وحسن شاكوش (فيديو)

تداولت بعض المواقع الالكترونية في الساعات الأولى من صباح اليوم الجمعة 23 أكتوبر، خبر القبض على مطربي المهرجانات حسن شاكوش وحمو بيكا من قِبل المصنفات الفنية، وذلك أثناء غنائهما بدون تصاريح وإقامة حفلة مخالفة لقرارات مجلس الوزاء المتعلقة بشأن جائحة كورونا بمنطقة المنصورية.

القبض على حمو بيكا

نفى حمو بيكا خبر القبض عليه ونشر فيديو له عبر حسابه بموقع التواصل الإجتماعي 'فيسبوك'، وقال: 'عايز أوصل رسالة لأي جريدة بتكتب كلام كاذب وكلام مش مظبوط، أنا راجل في مكتبي ومعايا نور التوت ومخلصين شغل وبلاش الناس الكتير اللي بتتكلم علينا عشان احنا مش ناقصين كلام'.

وتابع: 'بكلمكم دلوقتي وأنا في مكاني بس عايز أفهم حاجة لأخوتنا اللي بيحبونا، بصوا اللي بيكرهونا ياما ومع السلامة واحنا ناس بنحب الخير للناس، والفيديو ده لأي جريدة بتكدب وبتنزل أخبار علينا مش صحيحة متصدقوهاش'.

واختتم حمو بيكا كلامه: 'قاعد لاقيت خبر تم القبض على حمو بيكا وعمر كمال وحسن شاكوش، هيبضوا علينا بتاع ايه، احنا ولا بنأذي حد ولا بنيجي على حد ومحترمين القانون'.

حسن شاكوش يفتح النار على مروجي الشائعات

وخرج حسن شاكوش عبر صفحته الشخصية بـ'فيسبوك'، وكشف حقيقة القبض عليه، وقال فيديوة: 'كنت في مشوار وشغال برة بعيد عن خط المنصورية والهرم، وطلعت لايف علشان أعرف الصحافة اللي بتكتب غلط وعايزين يجيبوا نسبة مشاهدات بالأونطة، ومش عارف هنروح فين من الصحفيين اللي معندهمش ضمير، وبيطلعوا أخبار كذب، ومبيعرفوش إيه مصدر الخبر'.

وتابع: 'الصحفي هتلاقي اللي بتعمله ده في بيتك وعيالك، اشتغل بحق الله، أنت بتأكل عيالك من الحرام ومن الكذب، ولا قابل علي نفسك يا يبقي أنت ابن حرام، وأنا كنت شغال في سميراميس في التحرير، وبعد كده شغال في حفلة في الهرم وعرفت بعد كده أن الحكومة دخلت بوظت كل الحفلات وأنا لسه متحركتش من الاوردر الأولاني. أنا موصلتش لخط الهرم من الاساس، وحضرت حفلة واحدة في سميراميس، والحفلة اتلغت، والحفلة كان موجود فيها عمر كمال وحمو بيكا واتطمنت عليهم، وفوجئت بصورتي واني اتقبض علي، بقول لكل صحفي معندوش ضمير حسبي الله ونعم الوكيل فيك'.

واستطرد: 'كان عندنا لجنة في النقابة وامتحنا والصحافة كلها كانت هناك، وخلصنا امتحان أنا وعمر كمال ومفيش مشاكل، وببص بعد كده أن أنا سقطت علشان خاطر مبيعرفش يقرأ ويكتب، إزاي صحفي يكتب كده عني وأصحابي ضحكوا علي الخبر، أنا بعرف أقرا وأكتب وحتي لو مبعرفش أنا راجل ميعبنيش حاجة، ومش عيب الراجل ميعبوش حاجة والخبر ده كذب'.