حمو بيكا يعتذر لهاني شاكر للمرة الثالثة: حياتى بتدمر علشان أكل عيشى

قدم مطرب المهرجانات حمو بيكا، اعتذار لـ نقيب الموسيقيين هاني شاكر، عما بدر منه سابقا في حقه، مطالبا إنقاذه من مصير السجن أو خراب عمله والوقوف بجواره وتوجيهه للطريق الصحيح وأن يعتبره مثل شقيقه الأصغر.

إعتذار حمو بيكا لهاني شاكر

وكتب بيكا، عبر صفحته الرسمية على فيسبوك: 'رسالة للأستاذ هانى شاكر، بتمنى منك أنك تقبل اعتذارى، وانك تعتبرنى زى ابنك أو أخوك الصغير، واثق جدا فى طيبة قلبك وانك مش هتقبل انى اتسجن أو حتى حياتى تدمر عشان بحب أكل عيشى، أتمنى ان تقبل اعتذاري وتوجهنى للصح'.

هذه لم تكن المرة الأولي التي يعتذر فيها بيكا، بل نشر سابقا فيديو له من داخل نقابة الموسيقيين حيث قال : إنه منذ نحو عام جاء النقابة وصور فيديو لافتا الى أنه اليوم جاء للنقابة مقدما اعتذارا إلى الفنان هاني شاكر رئيس النقابة، وتابع: 'انا بتأسفلك انت استاذنا الكبير اتعلمنا على غناك وبتأسف لأعضاء المجلس كلهم أنا ماكنتش اقصد اي حاجة اني ازعلكوا'.

وأضاف حمو بيكا : 'بقول للأستاذ هاني شاكر حقك عليا متزعلش منى مكنتش مقصودة خالص إني ازعلك او أعمل أي قلق وبقدم أسف كبير لأعضاء المجلس اسف ليكم وحققوا عليا بحبكم صباحكم عسل'.

وبعدها أوضح حمو بيكا للمرة الثالثة في مداخلة هاتفية مداخلة هاتفية عبر برنامج 'كلمة أخيرة'، الذي تقدمه الإعلامية لميس الحديدي على شاشة 'ON': 'لو مكتوبلي اتحبس هتحبس ولو هاخد براءة برضه هاخد براءة، اللي كاتبه ربنا هيكون بس كان لازم أتأسف واعتذر لأستاذ هاني شاكر ولأعضاء مجلس نقابة الموسيقيين لأنه زي أبويا وماينفعش أقف قدام أبويا وأزعق'.

ورداً على سؤال الاعلامية لميس الحديدي، حول توقيت الاعتذار، قال: 'أنا ااعتذرت كتير وعلى كافة المنصات، طلعت في كل البرامج واعتذرت وكل فترة كنت بجدد الاعتذار.. بس كنت خايف أروح النقابة تحصل معايا مشكلة هناك، ولما لقيت ماحدش كلمني ولا ااعترضني عملت الفيدو واعتذرت فيه وأخدت بعضي وبعدها ونزلت ماشفتش حتى حد'.

وحول توقعه لما بعد الاعتذار ومدى إمكانية تقبله من الفنان هاني شاكر، قال: 'ربنا كبير بقى وهو يقف معايا مش هقدر أعمل أي حاجة والمحامي، بتاعي عملي استناف واتحددله معاد يوم 25 ديسمبر، وربنا معايا وهتكون جلسة واحدة مش هقدر أعمل أي حاجة.. ولازم أحضر في جلسة الاستناف'.

ورداً على سؤال الحديدي، حول إماكنية عدم قبول الاستنئناف وتنفيذ الحكم، قال مطرب المهرجانات: 'دي بلدي برضه ومش ههرب منها حتى لو اتحكم عليا بده يبقى ربنا عاوز كده'.

وتابع: 'الفنان هاني شاكر فنان كبير وأنا بحبه وبطلب منه يحطني في مقام ابنه ولو أنا غلطت بـتأسفله تاني وهفضل اعتذر له طول حياتي أنا زي ابنه وربنا غفور رحيم إذا كان ربنا بيغفر لازم هوا كمان يغفرلي'.

وأوضح أنه طلب من أشخاص كثر لعب دور الوساطة، معلقا: 'كلمت ناس كتيرة وناس كتيرة أتوسطت محدش رد عليا'.