وجهت الفنانة نشوى مصطفى رسالة للشعب المصري بعد شفائها من فيروس كورونا قائلة، "أبوس إيديكم لو بتحبوا ربنا وبتحبوا أولادكم إتقوا شر الألم اللي أنا حسيت بيه حافظوا على نفسكم علشان ولادكم وأكل عيشكم كلنا على باب الله".
واستطردت في مداخلة هاتفية مداخلة هاتفية عبر برنامج "كلمة أخيرة " الذي تقدمه الاعلامية لميس الحديدي على شاشة "ON" قائلة: "كلنا على باب الله وماشيين بالارزاق عشان أكل عيش ولادكم مش هينفع لو إنت عامل أو صنايعي تقدر تحافظ على نفسك أرجوك بالكمامة، كمامة تمنها 3 جنيه هيحافظوا عليكو هيخلوك لبيتك واولادك".
وتابعت: "أنا كان معايا فلوس بس مافيش مستشفى كانت عاوزة تقبلني من المستشفيات الخاصة لكن مستشفى بلدي العامة الحكومية قبلتني أنا عندي فلوس وربنا ساترني بس مكنتش بقدر أحط في بقي لقمة، الفلوس مش مهمة لما تبقى معاكي ومافيش مستشفى راضية تقبلك أو قادرة تاكلي حتى، الصحة ياجماعه أهم من أي حاجه في الدنيا".
وأضافت نشوى مصطفى :"والنبي خلي بالكم من الكورونا دي صعبة جداًُ أصعب من ألم الولادة، فيه ناس ربنا بينعم عليهم وتبقى خفيفة بس إنت هتضمن منين إنها هتجيلك خفيفة، أنا أهملت وإتكسفت من لبس الكمامة ومتسلمش على حد بأيديكم وحافظوا على التهوية والتباعد والتغذية كلوا برتقالة وحزمة جرجير أو جوافة وحتة جبنة قريش دي نصايح الدكتور حافظوا عليها عندنا الحاجات دي رخيصة احمي نفسكم مع الكمامة".
واختتمت نشوى حديثها:"موجهة الشكر لمبادرة 100 مليون صحة التي أطلقت قبل عامين قائلة:"لازم اشكر مبادرة بدأت من سنتين والرئيس قال وقتها لازم 100 مليون مصري ينزلوا يكشفوا وهي مبادرة 100 مليون صحة ببلاش لفيروس سي وسكر وبالصدفة أمي وقتها اكتشفنا ان عندها فيروس كورونا وامي دي نور عنينا، والعلاج كان بره ومكلف جداً وأمي تعالجت أنا مستورة لكن غيري لأ.. لكن في النهاية أمي تعالجت في مستشفى حميات إمبابة وأمي اتعالجت ببلاش وهي بصحة جيدة، سيادة الرئيس ربنا يجبر بخاطرك زي ما جبرت بخاطر كل الناس اللي بتعاني من فيروس "سي" والنهاردة الرئيس برضه جبر بخاطري ورجعني ليهم برضو و تعالجت في مستشفى عام" .
تابعوا آخر أهل مصر على Google News
