انتقد الفنان الشاب إسلام إبراهيم، منذ قليل، بعض الأمهات على بعض السلوكيات الخاطئة نحو تربية أولادهم، من خلال منشور جديد له عبر صفحته الشخصية بموقع التواصل الاجتماعي 'فيسبوك'.
وقال إبراهيم: 'معلش أنا حابب أتكلم في حاجة غيظاني بعيدا عن الفن تماما بما أني كنت في يوم من الأيام أخصائي تخاطب وتعديل سلوك للأطفال وشغلي كله كان مع الأطفال وبرده ده رأيي الشخصي المتواضع هو لما حضرتك تبقي خارجة شارية المول كله وفي إيدك 15 كيس وبأكد أنه المول مش السوبر ماركت وطلبات البيت وواقفة ذلة العيل قدام بتاع الكاندي وبتقولي له هنشتري حاجة واحدة بس'.
إسلام إبراهيم
تابع: 'والطفل يا قلب أمه واقف في عينه حسرة وحيرة ومش عارف يعمل إيه وهو واقف قدام كل الإغراءات والألوانات دي... حضرتك كده متخيلة أنك تربوية؟ لو هتلزمي الطفل أنه يشتري حاجة واحدة بس يبقى لازم أنتي كمان تشتري حاجة واحدة بس... الطفل حضرتك أذكى مني ومنك وذاكرته البصرية أعلى مني ومنك عينه دي عبارة عن كاميرا بتخزن كل حاجة... عينه شايفة الأكياس في إيدك وودنه بتسمع العكس'.
اختتم إبراهيم: 'للأسف بشوف المنظر ده في كل خروجة وبقى بيتكرر كتير جدا أكيد تربويا لازم نعلم الطفل يبقى عنده قناعة ورضا وأن مش كل حاجة بنشوفها نقدر نجيبها بس لازم نبدأ بنفسنا الأول نفسي نبطل نبقى حافظين مش فاهمين'.
تابعوا آخر أهل مصر على Google News
