خالد الصاوي بعد ضربه الفنانة ياسمين عبد العزيز: "أصحاب مراتي بيقولوا لها هو بيعمل معاكي كده في البيت"

علق الفنان خالد الصاوي، على مشاهد العنف ضد الفنانة ياسمين عبد العزيز في مسلسل 'اللى مالوش كبير'، قائلًا: 'من بعد لما ضربت ياسمين عبد العزيز أصحاب مراتي بيبعتولها بيقولوا لها هو بيعمل معاكي كده في البيت.. يعني أنا أمثل دور تقوموا مراتي عليا'.

وتابع خلال لقائه ببرنامج 'معكم' الذي تقدمه الإعلامية مني الشاذلي بقناة 'سي بي سي': 'العنف في التمثيل مهارة بين الطرفين، وياسمين عبد العزيز كانت هايلة في مشهد الضرب'.

وأضاف: 'ياسمين عبد العزيز واضحة وصريحة واللى بتحبه تحبه ومش بتجامل وأنا بحبها لأنها شبهي، وفي مشهد ضربها متأذتش منى إطلاقا وأنا أرفض على طول الخط الممثل اللى يؤذي الممثل التاني، ومشاهد الضرب لازم يبقى فيها مهارة إلى جانب مهارة التصوير، وأنا أرفض الاندماج في الضرب'.

مسلسل 'اللى ملوش كبير'، تأليف عمرو محمود ياسين، إخراج مصطفى فكرى، إنتاج شركة سينرجى، بطولة ياسمين عبد العزيز، أحمد العوضى، خالد الصاوى، أحمد سعيد عبد الغنى، دنيا عبد العزيز، محمود حافظ، إيمان السيد، بدرية طلبة، عايدة رياض، فتوح أحمد، أحمد الرافعى، أحمد عبد الله محمود، محمود ياسين 'جونيور' وهدى الإتربى، وتدور أحداثه فى إطار اجتماعى أكشن.