أنا زيكم بحب أشتغل بإخلاص.. سامح حسين يفسر تصريحه بشأن إلغاء الإجازات في الأعياد

علق الفنان سامح حسين على الهجوم عليه مؤخرا بسبب تصريحه الذي تداول ويفيد بضرورة إلغاء الإجازات في الأعياد بسبب الشغل الكثير.

وكتب سامح حسين عبر حسابه الرسمي على موقع التواصل الاجتماعي فيسبوك:'جمهوري الحبيب كل سنة وأنتم طيبين وبخير، بناء على طلبكم والناس اللي طلبت تفسير لموضوع إني بطالب بإلغاء الأجازات في الأعياد الكلام ده طبعا غير حقيقي بالمرة، أنا زيكم بحب الأجازة وبحب زيكم اشتغل بإخلاص زي كل واحد في مجاله'.

وتابع :'الأجازة دي نعمة من ربنا نشحن من خلالها قوتنا لمواصلة مشوار الحياة .. كل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دى كلها أجازة .. لكني لم أقصد أبدا إلغاء الاجازات الرسمية .. وعلي فكرة إحنا بنحب الأجازة علشان بنشتغل '.

وواصل :'أي حد جرب قلة الشغل مش هيحب الأجازة .. الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير .. يارب حياتكم تكون كلها أعياد وفرحة'.