أول فيديو من حفل زفاف علي غزلان

يحتفل مساء اليوم السبت، اليوتيوبر علي غزلان بعقد قرانه على الفنانة الشابة وملكة جمال مصر عام 2017 فرح شعبان .

وانتشر على موقع إنستجرام، مقطع فيديو يظهر فيه علي غزلان مع فرح شعبان، وظهرا سويا في حالة رومانسية، واحتضنها وقبل يدها.

ونشر علي غزلان مؤخرا منشورا عبر حسابه على إنستجرام قال فيه: 'أقل من أسبوع وهنكتب كتابنا وهتبقي مراتي علي سنه الله ورسوله.. أول مرة قابلتك مكنتش صدفه من البدايه، دي كانت رحمة من ربنا لقلبي.. أنا كنت محتاج حد شبهي، حد يقاسمني فرحي وحُزني، حد حنيته عليا بتخليني أنسي تعب الدنيا.. وأنا لقيت كل ده فيكي'.

وتابع: 'يشهد ربنا اني مشفتش كل حاجة حلوة غير معاكي، يشهد ربنا انك استحملتيني كتير وكنتي اقوى ضهر اتسند عليه، يشهد ربنا اني قصرت معاكي كتير وانتي عمرك ماقصرتي معايا، يشهد ربنا انك مشرفاني قدام عيني وأهلي وكل اللي اتعامل معاكي حبك، يشهد ربنا اني هفضل طول عمري أسعدك وضهرك وسندك، وهفضل أقول إنك أحسن قرار صح خدته في حياتي'.

واضاف علي غزلان: 'أنا محبتكيش عشان كنت محتاج أحب، محبتكيش عشان كان في فراغ في حياتي، محبتكيش عشان كنت حاسس بالوحدة.. حبيتك لإنك انتي، حبيتك لإنك عوضتيني عن تعب السنين اللي فاتت بحنيتك وجدعنتك وخوفك عليا، حبيتك لأنك اوقات كتير فضلتيني عن كل اللي بتحبيه وبقيت الأولوليه في حياتك.. والله لو خيروني بين كنوز الدنيا وبينك لاخترتك انتي'.