تحدث الإعلامي محمود سعد، على الأنباء التي انتشرت مؤخرًا وتفيد بزواج الفنان سمير صبري من فنانة شهيرة، وذلك في فيديو نشره عبر حسابه الشخصي على موقع التواصل الاجتماعي فيسبوك اليوم.
وقال محمود سعد:'أعرف سمير كويس لكن معرفش عنه حاجة شخصية وكونه كتب فلوسه لبنت أخته ممكن يبقى معندوش ابن وممكن يبقى عنده وظروفه كويسة جدًا وبنت أخته محتاجة الفلوس اللي سابها.. وإحنا منعرفش سمير ساب أيه أساسًا علشان نقول ورثة ومش ورثة هل رقم كبير ولا صغير ولا متوسط.. وسمير كان بيحب يعيش كويس ويحب الحياة الطيبة الناعمة'.
وتابع:'مفيش داعي أننا نقول تلميحات الراجل في ذمة الله دلوقتي ربنا يرحمه ولو ليه ابن هيظهر لو ملوش مش هيظهر مش مشكلة.. وبعدين حكاية الفنانة اللي عندها ابن من سمير صبري حكاية شائكة ميصحش كده، كده عيب.. و إذا كان في فنانة معروفة عندها ولد من سمير بقاله 17 سنة ومخبيّة يبقى عيب نسأل'.
وأضاف محمود سعد قائلًا: 'الناس بقت تقول مين الفنانة اللي عندها ابن عنده 17 سنة وملوش أب.. دي مش أخلاقنا، أرجو لما تشوفوا حاجة ليها علاقة بـ سمير صبري عدوها، أنا شخصيًا معرفش الفنانة دي موجودة في الحياة ولا لأ، إذا كانت الفنانة حابة تعلن هذا الخبر تقوله، لو مش عايزة نحترم رغبتها ورغبة الراحل، ورغبة ابنها'.
ويشار إلى أن الماكير محمد عشوب، أثار جدلًا واسعًا مؤخرًا بعدما أعلن أن الفنان سمير صبري كان متزوجًا من إحدى الفنانات وأنجب منها ولد، ولكنه لم يرغب في أن يفصح عن الموضوع.
تابعوا آخر أهل مصر على Google News
