تعليق جديد من حسن شاكوش على أغنية حاجة مستخبية (فيديو)

أثيرت في الساعات الماضية حالة كبيرة من الجدل، بعدما صرح مؤدي المهرجانات الشعبية حسن شاكوش، بسرقة لحن أغنية 'حاجة مستخبية' من أغنية تركية، بعدها أعلن ملحن الأغنية مدين عن حذف أغنية 'بنت الجيران' من يوتيوب، بعد سرقة لحنها من أغنية حاجة مستخبية.

وقال حسن شاكوش في مقطع فيديو نشره عبر حسابه الشخصي على موقع التواصل الاجتماعي فيس بوك:'في البرنامج كنت بتكلم عن أغنية بنت الجيران، الأستاذ عمرو اديب كان بيقول أنها بتاعت الاستاذ محمد حماقي طبعا أنا كنت بقوله لا أغنية بنت الجيران بتاعتي أنا مليش دعوة بأغنية حماقي خالص، وكنت بنتكلم في أن أغنية بنت الجيران بتاعتي فأنا كنت بوضح له الرؤية بتاعتي أن أغنية حاجة مستخبية بتاعت الاستاذ حماقي'.

وتابع قائلا:' اللي عرفته أن بعض الأشخاص اتكلموا عن أن أغنية حاجة مستخبية فيه كلام عن أنها لحن تركي وان مش عارف ايه.. وقعدنا فترة في الكلام ده من ساعة بنت الجيران مانزلت والكلام كتير'.

وأضاف شاكوش قائلا:'طالع أقول وجهة النظر اللي قصدي فيها أني مش قصدي أغلط في حق حد، من طبيعتي محبش أغلط في حد وكل الناس عارفة اني عمري ما غلط ولا جبت سيرة حد أنا في شغلي وحياتي'.

ووجه اعتذار قائلا:'تحياتي لكل أسرة العمل 'حاجة مستخبية' أخواتي وحبايبي ومحبش حد يزعل مني، مدين أخويا وحبيبي ولو فيه اي سوء تفاهم حصل متزعلوش وكله خير وربنا يكرم كل الناس'.