"كله عايز ينتش ويجرى".. بشرى: السينما عندنا حاليًا أشبه بـ "الوجبات السريعة"

كشفت الفنانة بشرى عن رأيها في وضع المرأة في السينما، سواء في تقديم موضوعاتها أو المرأة العاملة في السينما بشكل كبير.

وأضافت في لقاءها مع برنامج سبوت لايت على قناة صدى البلد: «صعب جدًا تنتج أفلام عن المرأة عشان تتاجر بالمرأة وتبيع عشان عارف إن جمهور الستات كبير، وأن مواضيع الستات مطلوبة أو المنصات اللي طالباها».

وأردفت: «وفيه بعض المبدعين بيكونوا عايزين يحسنوا من وضع المرأة وساعات بيتم المتاجرة بالحاجتين».

وأكدت بشرى : "المرأة العاملة في الصناعة هي قليلة جدًا، فالمخرجات والمصورات عددهن قليل جدًا، وعندنا مشكلة أجور، الست أجرها قليل، ومبيتكتبش لها مواضيع كتير".

وأضافت: "كله عايز ينتش ويجري هي دي سياسة العصر في كل حاجة، محدش عايز يتعب في حاجة، محدش عايز يعمل مجهود، محدش عايز يحكي قصة حد أو يحكي عن قصة دكتورة أو ست بتتعب على أولادها، فالسينما عندنا حاليًا أشبه بالوجبات السريعة".

واستطردت: "مش معقولة المرأة المصرية يا رقاصة يا فتاة ليل، النقطة ميبقاش التناول رخيص ومفيهوش جودة أو حبكة أو مضمون".