محمد سامي: لما بتعصب على ممثل بيبقى يا إما هو بليد أو مش بيذاكر الدور

كشف المخرج محمد سامي، أسلوبه في التعامل مع الممثلين خلال كواليس تصوير المسلسلات، وكيف يتعامل معهم من أجل إنجاح العمل الفني.

وقال 'سامي'، في لقائه على فضائية 'الظفرة'، أنه يحب دائمًا إنهاء تصوير العمل الدرامي مبكرًا لتقليل نسبة تعرضه للضغوط قبل عرضه في السباق الرمضاني، مضيفًا: 'اللي بعمله بيكون مهم عشان عرض المسلسل وبكون مرتاح وقتها'.

وأضاف: 'مش مطلوب من الفنان انه يتفزلك على المشاهد في ناس بتحب الفزلكة وبيحب يبين أنه مثقف ودارس وفاهم ويتوه الناس ويتوه معاهم، الفنان على قد على ما يكون مثقف وفاهم ويقدم اللي عايز يقدمه بأبسط طريقة للناس'.

الفرق بين النجوم وأنصاف النجوم

وأكمل: 'أنا لما بتعصب على ممثل بيبقى يا إما هو بليد، أو مواعيده مش مظبوطة، أو مش بيذاكر الدور كويس ولا بيحفظ، وده طبعا بيعطل زمايله في العمل'.

وتابع:'الممثل اللي بالصفات دي هو كده هيفشل ويفشلنا معاه، بيبقى ممثل جاي متأخر ومش مركز، وبتخانق معاه مهما كان مين ونجوميته قد إيه، لأن النجوم الحقيقيين أصلا محترمين وعمري ما اشتغلت مع نجم كبير ومكنش محترم، ودايما المشاكل بتيجي من أنصاف الممثلين'.

وأردف: النجوم أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنان عادل إمام، والراحل محمود عبد العزيز، وأحمد عز'.