علقت الفنانة بسنت النبراوي عن حقيقة تصريحاتها عن المساكنة، بعد الهجوم عليها من رواد مواقع التواصل الاجتماعي، ونشرت عبر حسابها الفيس بوك توضح عن حقيقة تصريحاتها.
وقالت النبراوي: 'للاسف بعض المواقع تاني اخدت كلامي وحورو الكلام و وصلت الجرائه انهم يتكلمو على حياتي الشخصية ويطلعوا اشاعة اني اتطلقت وانا لسه متزوجة وجوزي راجل محترم ولما اتكلمت على الادمان اتكلمت على ناس تانيه مش على حياتي'.
وأضافت: 'الاستاذه الاعلامية المحترمة اللي طالعة تهاجمني عشان موضوع المساكنة عيب عليكي المفروض تتحرى الدقة وتشوفي الحلقة مش تكوني من اللي بيرددوا اي كلام من غير مايتاكدوا والحلقة موجودة للي يبحب يتحرى الدقة'.
تعليق دعاء فاروق على تصريحات بسنت النبراوي
تصدرت الفنانة بسنت النبراوي تريند مواقع التواصل الإجتماعي، منذ أمس وذلك بعد تصريحاتها الأخيرة عن رأيها في المساكنة.
وردا على الفنانة بسنت النبراوي ، نشرت الإعلامية دعاء فاروق مقطع فيديو عبر حسابها على موقع التواصل الاجتماعى إنستجرام، كشفت فيه عن رأيها في موضوع المُساكنة قبل الزواج، والذى أصبح تريندًا.
وقالت دعاء فاروق : “إزاى يناقش موضوع المُساكنة، لا وبنجيب الشباب والبنات في مصر ونسألهم عن المساكنة.. تحب تعمل مساكنة ولا لأ”.
أضافت دعاء فاروق: يعني أنت بتجيب بنتك وتسألها تحبي تزني، أنتوا إزاي بتناقشوا موضوع الزنا، ملناش دعوة في اتنين عملوا كده في مكان لا يناسب عاداتنا وتقاليدنا ولا حياتنا.
وأوضحت دعاء فاروق: بعدين ألاقي بنت تتسأل عن المساكنة فتقول لو مش حرام آه هعمل المساكنة، غيري كلمة المساكنة وبدليها بزنا.. حضرتك تحبي تزني قبل الزواج، والبنات تقول آه لو مش حرام، يعني إحنا ممكن الصبح نغير اسم بيوت الدعارة بـ بيوت السعادة وننزل نسأل الطلاب تحب تروح بيت السعادة ويقولوا آه.
تابعوا آخر أهل مصر على Google News
