أصالة تتعزل في الجمهور التركي: حفل إسطنبول ليلة من ألف ليلة وليلة

أشادت الفنانة السورية أصالة بحفلها الذي لأقيم أمس في مدينة إسطنبول بتركيا، وذلك عبر حسابها الشخصي على موقع التدوينات القصيرة تويتر.

وكتبت أصالة: 'كانت ليلة امبارح في إسطنبول ليلة من ألف ليلة وليلة، كانت حلما عشناه حقيقة، صوتي وصل لأعلى وأحلى نقطة براسي، حتّى فصلت عن الواقع، بس مو لحالي، فصلت أنا وكلّ الشباب والصبايا والصغار، أخدت بإيدهم ورحنا أحلى مشوار، الوجوه امبارح كلّها شغف وشوق وحُبّ وجمال، وكانت من حلاوة الموجودين صار الشوف دقيق، وملامح كلّ الوجوه انطبعت بروحي، ومابتخيّل ممكن أنسى هالوجوه'.

اصالة

حفل اصالة بتركيا

وتابعت أصالة: 'وقفت بلحظة أمسك حالي عن بكا كان ممكن ما يوقف، لمّا أصوات الشباب عليت وهم عم يقولوا أحلى اسم بقلبي سوريا، خفت أضعف، خفت أبكي خفت ما أعرف أكمّل، ومثل طفلة قويّة بدها تكمّل اللي اتوجدت منشانه، غلبت دموعي وكمّلت، شكرا على السّعادة اللي غمرتني أمان وفرح، ورجعتني لأهلي أسمع لحن لهجتنا، وأشوف منّ كلّ بلد عربي شبّ وصبيّة قدّ مافرحوا فيّي، أنا فيهم فرحت'.

وأتمت بالقول: 'شكراً يا أصحابي الأوفياء يا إخواتي الغاليين، على هالزّينة الحلوة اللي علّقناها امبارح بليلتنا على روح من الحزن تعبانة، وقلب من البعد موجوع.. لقاؤنا دائما غير، على محبة صفاؤها إنساني ما بتعرف غير لغة واحدة، لغة الحب والموسيقى'.