ناقد فني يعلق على رفع فيلم مطرح مطروح من السينمات

علق الناقد الفني أحمد سعد الدين، على رفع فيلم مطرح مطروح من السينمات بسبب قلة إيراداته، قائلا في تصريح خاص لـ'أهل مصر'، الفيلم ملحقش يتعرض أصلا، وأضاف: 'السينما نظام رأس مالي مهم جدا، عبارة عن الفيلم اللي بيفضل في السينمات ومحدش بيدخله، وعمر السينما ما هتكون فاضية، ولا هيشغلوها على فرد واحد، فبالتالي الفيلم نفسه يعتبر فيلم خفيف نزل للسينما أسبوعين ومفيش إقبال'.

الناقد أحمد سعد الدين يعلق على رفع فيلم مطرح مطروح

وأكمل: 'عندك دلوقتي فيلمين أو ثلاثة يعتبروا كبار، منهم أفلام كانت في العيد زي فيلم كريم عبد العزيز، ومعاه تامر حسني، وأيضا فيلمي محمد رمضان، وهنيدي، فلو عرض فيلم جنب الأفلام الكبيرة دي، ومش معموله دعاية كمان، محدش هيسمع عنه بالتأكيد، وبالتالي محدش بيدخله عشان كدة مدخلوش إيرادات، فاترفع من السينما، دا الطبيعي ودا إجراء بيحصل كتير' .

وعن سبب رفع فيلم مطرح مطروح من السينمات، قال أحمد سعد الدين: 'هو اترفع بسبب أنه ضعيف لأنه حتى وهو في وسط الأفلام الكبيرة لو جاب إيراد وناس دخلته هيفضل '.

وتابع: 'كثرة الأفلام حاليا دا كان فائدة للسينما، ولا يظلم أحد لأن الجمهور بيشوف الفيلم، واللي قصته حلوة أو عنده نجم كبير، أو عنده دعاية كبيرة فبيدخله ناس كتير، وملوش دخل بقا بعدد الأفلام ،'.

فيلم مطرح مطروح

وتراجع فيلم 'مطرح مطروح' بشباك التذاكر بشكل كبير جدًا، خلال الأيام الماضية، ووصل أمس الأحد إلى أسوأ رقم له منذ عرضه بالسينمات، حيث حقق إيرادات لم تتجاوز 998 جنيها فقط.