يوسف فوزي: اعتزلت التمثيل وراضي بإبتلاء ربنا.. أكيد ليه حكمة في كده

قال الفنان يوسف فوزي، إنه لن يستطيع العودة للتمثيل مرى أخرى؛ بسبب إصابته بمرض الشلل الرعاش، موضحًا أنه تلقى عدة عروض تمثيلية ولكنه رفض بسبب حالته الصحية.

وتابع يوسف فوزي، خلال حواره في برنامج 'تفاصيل'، مع الإعلامية نهال طايل، عبر فضائية 'صدى البلد 2'،:'التمثيل عندي هواية من زمان وكان نفسي أمثل تاني بس ربنا ليه حكمة في اللي حصلي وأنا راضي بقضاء ربنا.. ومفيش باليد حيلة والحمد لله على اللي أنا فيه وبقيت أخاف من بكرة'.

يوسف فوزي: اعتزلت التمثيل نهائيًا

وأشار يوسف فوزي، إلى أنه تلقى عدة عروض تلفزيونية ولكنه رفض المشاركة فيها كون حالته لا تتطلب القيام بأي مجهود، موضحًا أنه أعتزال التمثيل نهائيًا.

واستكمل يوسف فوزي: 'بناتي الاتنين في كندا بسافر لهم كذا مرة في السنه أنا ومراتي، بس حاليا تذكرة الطيران بقت غالية عبارة عن رأس مال.. وعمر ابني عنده 27 سنة شغال في المونتاج عنده أفكار وبيشتغل عليها '.