بعد الانهيار والسب بألفاظ بذيئة.. فادي خفاجة يعتذر عن فيديو التيك توك: أنا مش إنسان طبيعي

أثار الساعات الماضية الفنان فادي خفاجة الجدل بعد ظهوره في فيديو على التيك توك ينهار فيه بسبب قلة الأعمال الفنية، وحرص بعدها على تقديم اعتذار على ما نشره على السوشيال ميديا.

وقال خفاجة، خلال مداخلة هاتفية مع الإعلامي تامر أمين، ببرنامج 'آخر النهار'، المذاع على قناة 'النهار' :' كنت في لحظة ضعف وبرجو الناس زي ما شايفين اني فنان يعرفوا أني إنسان ولو رجع بيا الوقت مش هعمل الفيديو'.

وتابع:'مش عارف انا عملت كده أزاي وانا بسعى بقالي كتير طول الوقت الناس بتقولي انت روحت فين، مش موجود من أيام ونيس، دلوقتي انا ولا فنان ولا انسان طبيعي وانا لو سبت الناس في حالي وقعدت لوحدي، مش هرتاح'.

فادي خفاجة يعتذر عن فيديو التيك تيوك

وأضاف:'كل الأساتذة الكبيرة اللي عملت معاهم شغل كانوا دايما بيشكروا فيا، وده اداني أمل وقدمت في المعهد العالي للفنون المسرحية واجتهدت فيه وبعدها اتخرجت وجبت تقدير كمان، كل ده فين دلوقتي، ولما تواجدت في مسلسل زي الاختيار كنت ضيف شرف ودة كان شرف ليا وانتظرت أن أبواب ربنا تتفتح'.

وتسائل خفاجي:'انا مش عارف مبشتغلش ليه وعمري ما اتاخرت على معاد تصوير، أو ناقشت مخرج في الفلوس والأجر، أنا سعيت كتير وروحت قابلت مخرجين، بس الموضوع بقى صعب ولازم تاخد معاد قبلها وتحجز على الميل وأنا مش عارف أظهر وسط كل النجوم الموجودين على الساحة'.