كشفت الفنانة يسرا، خلال ندوتها بمهرجان الجونة السينمائي، عن العديد من الأسرار الفنية والشخصية، وتحدثت عن مشوارها الفني وأعمالها مع الفنان عادل إمام وسبب رفضها للعالمية.
وقالت يسرا: "أنا نمرة واحد في الوطن العربي، فما هو المبرر للعمل خارج مصر وترتيب اسمي بشكل متأخر جدا؟".
على جانب آخر، قالت يسرا خلال الندوة التي أدارتها ماريان خوري: "قدمت مع الزعيم عادل إمام 17 فيلما من أفضل أدواري، وفخورة بكل أعمالي معه لأنه شخص استثنائي وفنان عظيم".
وقالت يسرا، خلال ندوتها على هامش مهرجان الجونة السينمائي: جالي فرص في هوليود وفرنسا واعتذرت عنها، السيناريو معجبنيش واتعرض عليا مليون دولار بس ما الشغل وحش، وأي بلد ليها أجندة معينة أنا مقبلتهاش، وأنا هنا نمبر وان في كل الوطن العربي وليا مكانتي، ليه أروح هناك وأكون نمرة 12.
وتطرقت يسرا للحديث عن المخرج الراحل يوسف شاهين باعتباره من الأساتذة الذين أثروا فيها خلال مشوارها وقالت خلال الماستر كلاس الخاصة بها والمقامة ضمن فعاليات مهرجان الجونة السينمائى: "يوسف شاهين أول مرة قابلته قلت له مش هعرف أشتغل معاك علشان خفت من الفشل وانه هيكون ليه أثر كبير عليا".
وأضافت يسرا: "يوسف شاهين طلب منى أغير لون شعرى من البلوند إلى الأسود فرديت عليه انى هبقى وحشة، ولكنه صمم، ولما ادانى "ورق حدوتة مصرية" قريته 10 مرات مفهمتوش خالص، وهو الأول كان عارض عليا الأول دور الأخت وأنان قلت له إنى عاوزة دور مراته ورحت معتذرة له وعملت حاجات علشان يكرهنى وميكلمنيش تانى".
وتابعت يسرا:"بعد 3 شهور وانا كنت قاعدة عند خالتى ونايمة لقيت واحد داخل عليا (يوسف شاهين) الأوضة وبيصحينى فجأة ويقولى قومى علشان عندنا تصوير الفيلم، والبسى عقبال ما أعملك القهوة، وكمان فتح الدولاب ونقى كل اللبس بتاع الشخصية فى الفيلم وقلت له حاضر يا أستاذ وعملت الفيلم بنفس الملابس اللى اختارها".
تابعوا آخر أهل مصر على Google News
