حرص الفنان جمال سليمان على حضور فعاليات حفل توزيع جوائز الدير جيست في دورته الـ 20، مساء اليوم السبت، 23 ديسمبر 2023، والتي تشهد تكريم عدد من الفنانين عن مشوارهم وأعمالهم.
وقال جمال سليمان، عن مشواره الفني في لقاء مع الاعلامية بوسي شلبي:'بحاول على قد ما أقدر التغيير، وأحيانا الخيارات شوية بتكون محدودة وأحيانا بتمنى أعمل حاجة مختلفة عن كل اللي عملته بس أحنا كفنانين وممثلين محترفين لازم نفضل شغالين ومش ديما بيبقى عندنا الفرصة أننا نقدم حاجة مختلفة زي ما بنتمنى لأزم نبقى حريصين أننا نقدم أعمال لائقة وحلوة للناس، ونجتهد في إطار الظروف اللي احنا فيه وده اللي بحاول اعمله'.
وتابع:' بعد كل مسلسل صعيدي عملته من أول حدائق الشيطان لغاية النهاردة بعد كل مسلسل صعيدى بقول أنا مش هعمل صعيدي تاني وكفاية أدور على حاجة تاني، وتعدي سنتين تلاتة بعمل حاجات تانية وبعدين يجيلي دور صعيدي فمقدرش أقاوم الاغراء الصراحة، بحب اللبس والأجواء واللهجة وحكايات الصعيد، بشعر فيها كأني في بيتي وأشعر بالطمأنينة، معرفش عملة نادرة هيبقى اخر عمل صعيدي ولا لا، وجالي السنادي عمل صعيدي واعتذرت على الأقل لازم أحد راحة 3 أو 4 سنين'.
يشار إلى أن مهرجان دير جيست يكرم في دورته هذا العام عدد من نجوم الفن، أبرزهم إلهام شاهين، سوسن بدر، نجلاء بدر، حنان مطاوع، ريهام عبد الغفور، داليا البحيري، وغيرهم من النجوم.
تابعوا آخر أهل مصر على Google News
