رد الفنان تامر حسني على حالة الهجوم الشديدة التي شنت عليه مؤخرا بعد اعلانه في شهر رمضان 2024 لصالح إحدى الشركات التي تدخل في قائمة المقاطعة.
وقال تامر حسني عبر حسابه بفيس بوك:'مساء الخير عليكم .. بقالي يومين بتابع اللي بيحصل و احتراماً للجميع .. أنا بوضح حاجة بخصوص إعلان شيبسي الأخير..اولاً ..أنا على قوة الشركة من سنتين قبل اي أحداث و ده مش أول أعلان ده ثالث أعلان في عقدي ، معلش احياناً الكلام عند بعض الناس بيبقى سهل و تحديداً لما بيكون بدون علم بالعقود و بحيثيات الموضوع كله'.
وتابع:'ثانياً أنا مضيت على عقد مكتوب فيه أن شيبسي شركة مصرية و لها سجل تجاري ضريبي مصري منفصل و البند قدامكم اهوه لصدق كلامي..ثالثاً .. والأهم لاي حد بيشكك في انتمائي للقضية الفلسطينية هقوله أنا من ٢٠ سنة و أنا في ضهر القضية و مش كلام و أغاني بس لاااااا.. أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته و يروح بنفسه معبر رفح أثناء الضرب مجاملة مثلاً …!!'.
وأضاف تامر حسني:'اخيراًأنا لما قررت اكون الوجه الأعلاني لشيبسى من سنتين لأنه منتج مصري كل المصريين بيحبوه والبطاطس من الفلاحة المصرية و بيتباع في مصر بس وأتربينا عليه و الأهم أن الشخص البسيط يقدر يشتريه في ظل ظروفنا الاقتصادية و أظن ده واضح في الاعلان، ده كان شعوري الشخصي اتجاه الحملة وأنا بمضيها من سنتين عشان كده كان واجب عليا التوضيح للجميع و للّي مش واصلاله الصوره بكل احترام و شكراً لكل اللي ردوا عني و هما مغمضين حقيقي انتوا نعمة كبيره من ربنا الف شكر و رمضان كريم على الجميع'.
تابعوا آخر أهل مصر على Google News
