محمد صبحي: بيهاجموا أخلاقي عشان بوست هياتم في الفيلم

عقدت مساء اليوم ندوة للفنان القدير محمد صبحي، وذلك في إطار فعاليات المهرجان القومي للمسرح المصري في دورته الـ 17 برئاسة الفنان محمد رياض.

اللي بينادي بالأخلاق والمثالية بيبوس هياتم

ورد محمد صبحي على منتقديه قائلا:'فيه هجمات عليا ممولة بيقولوا شوفوا بتاع الأخلاق اللي بينادي بالأخلاق والمثالية بيبوس هياتم، ايه يا اخوانا ده كل السينما المصرية والله العظيم أحنا شوفنا الأفلام دي، ياه ده أحنا كنا أعدمنا كل اللي شفناهم بيبوسوا في السينما، كان فيه بوس واحضان وحاجات تانية'.

الفيلم الوحيد اللي بوست فيه

وتابع محمد صبحي حديثه: «ده الفيلم الوحيد اللي بوست فيه، ومبوسهاش كمان بجد والله، الموقف كان كوميدي أنه توهمه البطل أنه عمل حاجة معاها'.

يشار إلى أن ندوة محمد صبحي اليوم في فعاليات المهرجان القومي للمسرح شهدت العديد من المواضيع الهامة، حيث تحدث عن أبرز المحطات في حياته الفنية والصعوبات التي واجهته كما رد على انتقادات البعض له، كما تحدث عن العديد من المواضيع الأخرى من أهم الشخصيات التي جسدها في حياته الفنية وكيف استوحى تلك الشخصيات.