رامي صبري يمنح الموهوبين فرصة الغناء برفقته هو وتامر حسني

أعلن الفنان رامي صبري مفاجاة لل الشباب الموهوب في الغناء وذلك بشأن أغنيته الجديدة 'فعلا مبيتنسيش'، التي تجمعه مع الفنان تامر حسني.

وكتب رامي صبري عبر موقع إكس:'بخصوص إقبال الشباب الموهوب على غناء أغنية فعلا مبتنسيش هنّزل نسخة من الأغنية كليب مخصوص بيني و بين تامر و في أماكن فاضية لغنائكم عشان تبقوا شاركتونا الغناء بجد و الديو يبقى تريو وعايزكم تغنوا أحسن ما عندكم عشان نشوف مين هيطلع يغنيها معانا في إحدى حفلاتنا اللي جايه إن شاء الله، و نسخة كليب أُخرى فيها تامر بس و مكاني فاضي عشان اللي عايز يغني مع تامر مكاني، و نسخة فيها أنا بغني بس و تامر مش معايا عشان اللي عايز يغني معايا'.

وأضاف:'وكمان هنزل نسخة موسيقى بس للي عايز يغني الأغنية كلها بأعلى كواليتي و هنراعي إختلاف الطبقات الصوتية يعني هيكون في نسخة مزيكا نفس طبقتنا الأصلية و نسخة أقل تون عشان تبقى أكتر راحة لبعض المواهب و كمان نُسخ نسائية طبقتها أعلى ٣ تون عشان النسخ كلها تنور في أصوات الجميع'.