رامز جلال يسخر من رحمة أحمد: "معانا المدبوحة المجروحة الشهيرة بمربوحة"

حلت الفنانة رحمة أحمد ضيفة على حلقة اليوم من برنامج "رامز إيلون مصر"، المذاع عبر قناة MBC مصر، حيث استقبلها الفنان رامز جلال

وسخر رامز جلال من رحمة أحمد قائلا:"معانا فنانة ضلت طريق النجومية، ضحية المطبلاتية والمنافقين واللجان الإلكترونية، وبدل ما تبقى نجمة صف أول، شالت زلط!"

واضاف في سخريته، وقال:"بنت بسيطة عادية كانت ممكن تمثل بكل عفوية، ضغطوا عليها وفهموها إنها كوميديانة، موسم واحد وفجأة السجادة اتسحبت من تحتها، وبعد المدح بزيادة بقت شتيمة وقلة قيمة، معانا المدبوحة المجروحة الشهيرة بمربوحة!".

وعن إطلالتها، قال:"والله أمك داعية لك يا بت جايبينك بتسلا! كنتي بتروحي أوردر الكبير بحنطور! حوت أزرق بيفتح لبياعة مفتأة! رئيسة تحصيل بنك الائتمان الزراعي!".

وأكمل تعليقه:"إيه جو ريش النعام ده؟ ما شُفتوش من أيام مدام صفية العمري في ليالي الحلمية! وإيه قصة الشعر دي؟ عاملة فيها بوسي في فيلم "ألو أنا القطة"! ودي توكة حزام ولا برواز الموناليزا؟! وعندها عقدة من ساعة ما اتطلقت!".