"سبتها للأندال".. أيمن بهجت قمر يوضح سبب اعتزاله كتابة الأغاني

وجه الشاعر أيمن بهجت قمر، رسالة خاصة إلى جمهوره، بعد اعتزاله للشعر الغنائي، وذلك عبر حسابه الشخصي بموقع التواصل الإجتماعي 'فيسبوك'.

سبب اعتزال أيمن بهجت قمر

وكتب أيمن بهجت قمر: 'سبتها ليه.. سبتها قبل ما تسيبني، لما لقيت القريبين مني بيتغيروا ومش واحد لا واحد واتنين وتلاته، لما لقيت وشوش كتير مزيفة واولهم ناس انا ساعدتهم واخدت بإيدهم ووقفت جنبهم وطلعوا اندال، لما لقيت ان احنا اكتر فئة بتدفع التمن من تعسف في الإجراءات وكل شويه قرار واتدبس انا واتضغط واتشتم واتهان وفي المقابل ناس تانيه بتعمل اغاني تحت السلم محدش بييجي جنبهم'.

وتابع: 'لما لقيت ان الكلمه الكلمه الكلمه لا ليها ضهر ولا نقابة ولا كبير ولما الشاعر يقع فجأه بنقعد نلم من بعض، لما ضيعت وقتي في البحث عن الحقوق ودخلت في صراعات وف الاخر طلعت انا اللي وحش وماحصلش حاجه، عشان كده سبتها وسبتها وانا رافع راسي لفوق وواقف على رجلي'.

وكان أيمن بهجت قمر أعلن عن اعتزاله كتابة الأغانى منذ أيام مؤكدا أن هذا الأمر أصبح يرهقه كثيرا ويكتفى بكتابة السيناريوهات السينمائية والدرامية فقط'.