استنجدت الفنانة ايناس عز الدين بالمسؤولين بعد حبسها في مطار المغرب منذ نحو يوم، وأكدت عدم قدرتها على العودة للأراضي المصري، وذلك في رسائل بثتها من خلال حسابها الشخصي على موقع التواصل الاجتماعي 'فيس بوك'.
البداية كانت عن طريق تدوينة نشرتها ايناس عز الدين عبر حسابها على 'فيس بوك' قالت فيها: 'انا محبوسة بالمغرب بالمطار بدون اي اخطار اتلغى كل رحلات الطيران ومش عارفة ارجع مصر ومحبوسة في المغرب ومش عارفة اعمل اي حاجة وطيارتي كانت بعد ساعتين'.
ايناس عز الدين
بعدها نشتر عز الدين منشورا اخر قالت فيه: 'ثانياً شكراً كابتن محمد الشامي لاعب النادي الإسماعيلي على ذوقه وحسن أخلاقه وشكراً صديقي العزيز محمد علام، ثانياً كل الناس اللي كلموني وبعتولي سواء من مصر او من المغرب او من كل مكان انتوا على راسي من فوق انا خايفة انسى حد من كتر الناس اللي عرفوني ان الدنيا لسه بخير، الحمد لله على حب الناس اللي ما يتقدرش بكنوز الدنيا و بيبان وقت الشدائد'.
ايناس عز الدين
وظن الجميع أن الأزمة حلت عند هذه النقطة والأمور باتت على مايرام قبل ان تنشر تدوينة أخرى قالت فيها: 'انا مازلت عالقة في المغرب في مطار كازابلانكا، واللي حاصل من مصر للطيران مهزلة بكل المقاييس، روحت المطار بناءاً على تعليمات سيادة السفير و مديرة مكتب مصر للطيران في كازابلانكا مش عارفين اذا كان مؤكد فيه طيارة ولا لاء وحجز طيارتي الاولى خلاص ضاع عليا فلوسه ولازم احجز تاني طيب بكام التذكرة علشان اتصرف يقولولي ما نعرفش سعرها ما اتحددتش لسه طيب هيتحدد امتى عشان الحق اتصرف ما نعرفش'.
ومنذ قليل عادت ايناس عز الدين ونشرت قائلة: 'ايه المهزلة دي يا عالم احنا عالقين في دولة تانية وانتوا بتهرجوا، شكراً شركة طيران المغرب على معاملة الموظفين الغير مقبولة بالمرة، ارجع مصر وفيه كلام تاني على سوء المعاملة من الشركة رغم انه اهل المغرب ارقى ناس في التعامل والاخلاق و الكرم'.
تابعوا آخر أهل مصر على Google News
