فى موقف إنسانى، قدم رجال الشرطة كمية من البنزين لسيدة تعطلت سيارتها بطريق مصر الإسكندرية الصحراوى.
وروت السيدة، فى منشو لها على صفحتها الشخصية عبر 'فيس بوك' تجربتها الإيجابية مع رقم استغاثة المرور، قائلة 'مش عادتى أكتب بوست، بس حقيقي عديت بحاجة إيجابية'.
عند الكيلو 90
وأضافت: 'النهاردة كنت راجعة على الطريق الصحراوى من القاهرة للإسكندرية وللأسف نسيت احط بنزين وأنا طالعة من القاهرة، واتلخمت فى الطريق بكذا مكالمة، والعربية قطعت بنزين منى عند الكيلو ٩٠'.
وتابعت: 'ركنت على جنب، طلعت نمرة إغاثة المرور وقلت أجرب اتصل بيهم، ولو مانفعش أكلم بعد كده أي شركة خاصة، فعلا كلمتهم وخلال ٢٠ دقيقة جالى حوالى ٣٠ تليفون كلهم بيسألونى عن مكانى والتفاصيل اللى حواليا، وبيطلبوا منى share location، ومن التليفونات ناس من المرور، ناس من النجدة وفى عميد كلمنى يطمنى وطلب منى أقفل العربية على نفسي'.
بعد 20 دقيقة
وأكملت 'بعد ٢٠ دقيقة لقيت ٣ عربيات نجدة وونش مرور جايبلي بنزين، عربية جيش وصلولى، حطيت البنزين ، الونش مشى معايا لغاية أول بنزينة وكلمنى بعدها اطمن ان كله تمام وبعده عميد من النجدة كلمنى يطمن برضه، ومارضيوش ياخدوا أى فلوس مقابل ثمن البنزين، وطلبت منهم يتصوروا علشان اعرف أقولهم شكرا'.
وقدت السيدة الشكر لإغاثة الطريق وشرطة النجدة ووضعت رقم الإغاثة 01221110000'.
تابعوا آخر أهل مصر على Google News
