كشف رشوان حمادي، القائم بأعمال الرئيس التنفيذي لقطاع التجزئة المصرفية ببنك CIB، عن أسباب وتفاصيل وضع حد للسحب النقدي لعملاء البنوك خارج مصر.
وقال 'حمادي'، خلال مداخلة هاتفية لـ برنامج 'الحكاية' تقديم الإعلامي عمرو أديب المذاع على قناة 'إم بي سي مصر': ' خلال الكام شهر اللي فاتوا اكتشفنا نمط غير معتاد في حجم استخدام الكروت والبطاقات خارج مصر بالمقارنة بالشهور اللي قبل كده.. فكان واجب علينا نعيد تاني القواعد الخاصة باستخدام البطاقات خارج مصر للتأكد إني كل عميل على حسب حجم دخله متاح ليه حد استخدام للصرف أو للشراء خارج مصر مناسب لحجم العميل وطبيعته'.
وأضاف: ' وجدنا حالات كتير بتستخدم الكريدت لميت الخاص بها خمس أو ست مرات في نفس الشهر، وعدد كبير من العملاء بيسافر ويخلص الليمت بتاعه ويرجع تاني، أو قبل ما يسافر يقدر يشحن الليمت أكثر من مرة .. فوجدنا إجمالي صرف رهيب لحدود الصرف خارج مصر'.
وتابع: 'بدأنا نحط قيود تتناسب مع طبيعة كل عميل من أول ١٠٠ ألف جنيه في الشهر صرف خارج مصر حتى مليون أو أكثر على حسب تصنيف العميل داخل البنك'.
تابعوا آخر أهل مصر على Google News
