كشف نبيل السيد عثمان، والد المجني عليها 'فريدة' الفتاة المقتولة على يد شقيقها أمام مسجد الحسين بحي المناخ في محافظة بورسعيد، تفاصيل جديدة خلال أقواله أمام النيابة العامة خلال التحقيقات في الواقعة.
وأكد والد المجني عليها والمتهم، إن نجله المتهم لا يعاني من ثمة أمراض نفسية أو عصبية ولا يتعاطى المواد المخدرة، قائلًا: 'كان سليم ومفيهوش حاجة ولغاية لما سبني ومشى مكنش بيتعاطى حاجة لكن بعد كده معرفش'.
فتاة بورسعيد ضحية شقيقها
والد فتاة بورسعيد ضحية شقيقها: 'قتلها لسبب تافه ميستهلش'
وأضاف الأب المكلوم، خلال التحقيقات، أنه لم يكن هناك أية خلافات بين نجله المتهم وابنته المجني عليها: 'مكنش بينهم أي خلافات ولا مشاكل خالص غير الاختلاف اللي حصل على خطيبها قبل ما يسيب البيت ويسافر، بس ده سبب تافه وميستدعيش اللي عمله'.
صديق قاتل شقيقته بورسعيد: "نادى عليها وطلع سكينة كبيرة من جمبه وضربها"
فيما قال 'محمد طارق محمد عبد الراضي' 22 عامًا، صديق المتهم وشاهد عيان على الواقعة، خلال تحقيقات النيابة العامة: 'اللي حصل إن أنا ومحمد صحاب من زمان من أيام ما كان ساكن معايا في بورفؤاد، واللي أعرفه عنه إن في بينه وبين أهله مشاكل وسابلهم البيت وعاش في القاهرة، وبعد ما الفلوس خلصت معاه جه عاش في الإسماعيلية ومن يومين جه هنا بورسعيد اتقابلنا امبارح وكنا متفقين نتقابل في كافيه الساعة 1 الضهر وأنا سبته ومشيت الساعة 4 العصر واتفقنا أننا نتقابل الساعة 9 بالليل وروحنا المنطقة الثامنة عند بيت أهله'.
وأضاف: 'سألته إحنا واقفين هنا ليه؟ قالي: إحنا بنراقب في صمت، وفضلنا واقفين من الساعة 10.45 وفجأة لقينا فريدة أخت محمد وأول ما شافها لقيت محمد قالها يا فريدة وبعدين طلع سكينة كبيرة من جمبه الشمال وضربها وموتها، وأنا لما شفته كده أخدت شنطته وجريت، شنطته كان فيها أدوات شخصية ورميتها'.
وتابع صديق المتهم خلال التحقيقات: 'عمره ما حكالي إن كان في خلافات بينهم، وأهله مكنوش يعرفوا أنه هنا في بورسعيد، ولم تكن عليه أي مظاهر تشير إلى قيامه بارتكاب الواقعة، وأنا مشفتش معاه أي أسلحة اليوم ده خالص، وأغلب الوقت كان عمال يبص على الشارع وساكت'.
وأمرت جهات التحقيق بصرف 'محمد طارق' صديق المتهم من سراي النيابة عقب إثبات أقواله.
محاكمة قاتل شقيقته عروس بورسعيد
وتنظر محكمة جنايات بورسعيد، برئاسة المستشار جودت ميخائيل، بعد قليل، قضية مقتل فتاة على يد شقيقها أمام مسجد الحسين بحي المناخ في محافظة بورسعيد، في أولى جلسات محاكمته.
وتعود أحداث القضية إلى يوم 12 سبتمبر عام 2023 بإتهام المدعو «م.ن.ا» بقتل شقيقته «فريدة» في الشارع أمام مسجد الحسين بحي المناخ، وجرى ضبطه من قبل الأهالي، وتسليمه إلى الشرطة، وحُرر المحضر رقم 4818 جنح المناخ لسنة 2023، وباشرت النيابة العامة التحقيقات.
أحالت النيابة العامة المتهم إلى محكمة الجنايات المختصة التي حددت جلسة اليوم 11 نوفمبر الجاري، لنظر أولى جلسات المحاكمة.
تابعوا آخر أهل مصر على Google News
