حصلت «أهل مصر» على نص اعترافات الجاني الذي أنهى حياة المعلم 'عبد العظيم الباجوري'، ابن مدينة أشمون بمحافظة المنوفية، بسبب إعطائه دروسا خوصية للزوجة، على غير رغبة زوجها الجاني، لأنه يرفض أن تستكمل تعليمها.
وكانت مشاجرة نشبت بين المتهم وزوجته، 'و، أ'، طالبة بالسنة الثالثة بمدرسة التجارة، وحلف عليها بألا تأخذ دروسا، وعلم بأنها تأخذ درسا عند المجني عليه لقرب الامتحانات أنهى حياته، وتم تحرير المحضر اللازم بالواقعة وأخطرت النيابة العامة لمباشرة التحقيقات.
المعلم عبد العظيم الباجوري
اعترافات الزوج الجاني
س: ما تفصيلات إقرارك بارتكاب الواقعة؟
ج: اللي حصل ان انا متزوج من المدعوه - ولاء صبري حسن من حوالي أربعة اشهر وهي لسه طالبة وعاوزة تكمل تعليم وانا رافض انها تكمل تعليم وهي غضبانه عند أهلها وانا لقيت على المدرسين اللي بتاخد عندهم دروس خصوصية وقلتلهم ميدوهاش دروس خالص ومنهم الأستاذ عبد العظيم حمدي عبد العظيم الباجوري وبعد كده عرفت ان الأستاذ عبد العظيم لسه بيديها درس خصوصي واتصلت عليه وقلتله انت بتدي مراتي درس ليه قالي احكم على مراتك ومتحكمش عليا في بيتي وبعدها عرفت انه لسه بيديها درس ثاني وانا بعدها حضرت سكينة ورحتله على بيتهم وطلعت الدور اللي ساكن فيه وخبطت علي باب شقته وهو فتحلي الباب وقلتله انا عاوزك في حاجة تحت وهو نازل معايا علي بسطة السلم واحنا تحت في المدخل في النص قبل البوابة الحديد على اخر درجتين من السلم طلعت السكينة وضربته بيها في رقبته ودبحته ساعتها من رقبته وضربته كذا ضربه في جسمه وعبد العظيم نده على عنه السيد وقاله الحقني يا عمي وبعدها عمه السيد طلع بعصايا علشان يضربني بيها وانا ساعتها فاديت الضربة وكملت ضرب علي عبد العظيم ولما عمه حاول يجي عليا ثاني انا سبت عبدالعظيم وطلعت جريت علي البيت عندنا وحبيت السلاح الأبيض اللي ضربت عبد العظيم بيه وبعدها اهلي مسكوني وضربوني وسلموني بالعافية على مركز الشرطة وفي المركز سالوني وقلتلهم علي اللي حصل وجابوني على النيابة النهاردة وهو ده كل اللي حصل
س: متي وأين حدث ذلك؟
ج: الكلام ده حصل امبارح ٢٣-٥-٢٠٢٤ بعد الظهر لما خرجت من بيتنا وطلعت علي بيت عبدالعظيم بس مكنتش فاكر الساعة كام بالضبط في بندر اشمون
س: ما هو تاريخ زواجك من المدعوه - ولاء صبري حسن تحديدا؟
ج: انا متجوز من زوجتي في شهر يناير ۲۰۲٤ من حوالي أربعة اشهر تقريبا
س: وهل أنجبت من سالفة الذكر؟
ج: لا احنا متجوزين من حوالي أربعة اشهر بس
س: وهل من ثمة خلافات حدثت بينك وبين زوجك سالفة الذكر خلال تلك الفترة؟
ج: أيوه
س: وما هي طبيعة تلك الخلافات تحديدا؟
ج: الخلافات بدأت بينا علشان هي عاوزة تكمل تعليم وبتاخد دروس خصوصية عند بعض المدرسين والا كنت رافض الكلام ده علشان بغير على مراتي
س: وهل اخبرت زوجتك بعدم رغبتك في استكمال سالفة الذكر لتعليمها؟
ج: أيوه
س: وبماذا اخبرتك سالفة الذكر؟
ج: مسمعتش كلامي ومصممة انها تاخد دروس برضه وتكمل تعليمها وعلشان كده غضبت أكثر من مره اخرهم من حوالي 3 أسابيع
س: وما هي طبيعة علاقة زوجتك سالفة الذكر بالمتوفي الي رحمة مولاه تعالي عبد العظيم حمدي عبد العظيم تحديدا؟
ج: هو الأستاذ عبد العظيم كان من المدرسين اللي مراتي بتاخذ عندهم درس خصوصي وانا كنت بغير عليها من كل المدرسين ومن الاستاذ عبد العظيم تحديدا علشان هو يبقي جار لاهل مراتي
س: وكيف وقفت على ذلك تحديدا؟
ج: لان انا سالت وعرفت ان مراتي بتاخد عنده درس وسبق واتصلت بكل المدرسين ونبهت عليهم أن محدش فيهم يدخل مراتي بيته ويديها درس وعبد العظيم الوحيد اللي رفض الكلام ده وشدينا مع بعض ساعتها ومراتي لما غضبت اخر مرة من حوالي 3 أسابيع راحت عند بيت أهلها وهما جيران لعبد العظيم في البيت.
س: وهل من ثمة حوار دار فيما بينك وبين المتوفي الي رحمة مولاه بخصوص ذلك؟
ج: ابوه
س: وما هو مضمون ذلك الحوار تحديدا؟
ج: اتصلت بيه وقلتله متديش مراتي درس وهو قالي احكم على مراتك بس متحكمش عليا في بيتي
س: وما الذي حدث عقب ذلك؟
ج: هي مراتي غضبت اخر مرة من حوالي 3 أسابيع علشان عاوزة تاخد دروس علشان تكمل تعليمها ولما رفضت هي غضبت عند أهلها وعرفت انها بتاخد درس عند الأستاذ عبد العظيم حمدي عبد العظيم ثاني.
س: وما هي علاقتك بالمتوفي الي رحمة مولاه تعالي - عبد العظيم حمدي عبد العظيم الباجوري تحديدا؟
ج: هو انا مليش علاقة بعبد العظيم خالص وكل علاقتي بيه ان مراتي كانت بتاخد درس عنده
س: وهل من ثمة حوار دار بينك وبين سالف الذكر عقب عليك بقيامه باعطاء زوجتك تلك الدروس الخصوصية مرة اخري رغم علمه بعدم رغبتك في ذلك تحديدا؟
ج: لا انا اخر مرة كلمته كان من حوالي 3 أسابيع بعد مراتي ما سابت البيت وغضبت وعرفت ان عبد العظيم بيدي مراتي دروس رغم اني كلمته ونبهت عليه وحظرته ان هو يدي مراتي دروس
س: وما الذي حال دون ذلك؟
ج: لان انا نبهت عليه مرة قبل كده وقلتله مراتي متدخلش البيت عندك او عند اهلك ومتاخدش دروس عندك خالص
س: وما التصرف الذي بدر منك تحديدا آنذاك؟
ج: انا لما عرفت انه لسه بيدي مراتي درس تاني ونبهت عليه مره انا فكرت اني اموته واخلص منه علشان شكيت ان في حاجه بينه وبين مراتي ولاني بغير علي مراتي لغاية لما استقريت اني اخلص عليه باستخدام سكينه من عندنا في البيت وفعلا جبت السكينه وطلعت بيها علي بيته امبارح ٢٣-٥-٢٠٢٤ علشان اموته
س: ومن این استحصلت علي ذلك السلاح الأبيض تحديدا؟
ج: انا جبت السكينة من البيت بتاعي
س: ملك من اذا تلك الاداه تحديدا؟
ج: هي بتاعتي وكانت في البيت عندي
س: وما هو وصف تلك الأداة تحديدا؟
ج: هي سكينة مطبخ صغيره بايد خشب
س: وأين قمت بوضع تلك الاداه تحديدا؟
ج: انا خبطتها في كمر البنطلون بتاعي
س: وما الذي حدث عقب ذلك تحديدا؟
ج: انا بعد ما خبيت السكينه في البنطلون بتاعي خرجت من البيت بتاعي ورحت علي بيت عبدالعظيم
س: وما هي ظروف تقابلك مع المتوفي الي رحمة مولاه / عبد العظيم حمدي عبد العظيم تحديدا آنذاك؟
ج: انا لما وصلت البيت بتاع عبد العظيم دخلت من المدخل بتاع بيتهم من علي السلم وطلعت علي الشقة اللي كان فيها في الدور الثالث وخبطت علي باب شقته ولقيت عبدالعظيم فتح الباب
س: وهل كان برفقتك ثمة اشخاص آخرين آنذاك؟
ج: لا انا كنت لوحدي ساعتها
س: وهل كان برفقة المتوفي الي رحمة مولاه تعالي ثمة اشخاص آخرين آنذاك؟
ج: معرفش لاني فضلت واقف بره وانا مدخلتش الشقة ساعتها
س: وهل من ثمة حوار دار فيما بينك وبين سالف الذكر المتوفي الي رحمة مولاه تحديدا آنذاك؟
ج: أيوه
س: وما هو مضمون ذلك الحوار؟
ج: لما عبد العظيم فتح الباب قلتله انا عاوزك تحت في كلمتين
س: وما التصرف الذي بدر من المجني عليه سالف الذكر تحديدا آنذاك؟
ج: هو انا لقيت عبد العظيم خرج من الشقه ونزل معايا بس انا متكلمتش معاه في حاجة ثاني وهو ملحقش يتكلم معايا واحنا نازلين في مدخل البيت قمت مطلع السلاح الأبيض (السكينة ) وضربته بيها في رقبته وشديت السكينة ودبحته بيها وضربته كذا ضربه في بطنه وظهره وأماكن ثانيه في جسمه بس مش فاكر الضربات اد ايه
س: وهل حاول المتوفي الي رحمة مولاه تعالي رد الاعتداء الواقع عليه او المقاومة آنذاك؟
ج: لا
س: وما الذي حال دون ذلك؟
ج: لاني انا فاجئته بالضربة اللي في رقبته وهو ساعتها مكنش قادر يقاومني وكان بيحاول يهرب مني بس مكنش قادر وكل اللي عمله كان بينده علي عمه السيد لان هو ساكن في الدور الأرضي اللي كنا واقفين في المدخل ساعتها
س: وهل حاول المتوفي الي رحمة مولاه سالف الذكر الاستقالة بثمة اشخاص انذاك؟
ج: أيوه
س: ومن كان ذلك تحديدا؟
ج: هو نادي على عمه السيد وقال الحقني يا عمي الحقني يا عمي كذا مرة
س: وهل حضر سالف الذكر للدفاع عن نجل شقيقه آنذاك؟
ج: أيوه
س: وكيف كان ذلك تحديدا؟
ج: هو عمه السيد جه ومعاه عصايا وحاول يضربني بيها وضرب ضربه بس انا فاديت الضربة دي ساعتها
س: وكم عدد الضربات التي قمت بتوجيها بجسد المجني عليه المتوفي الي رحمة مولاه سالف الذكر تحديدا آنذاك؟
ج: هو انا ضربته كثير بالسكينه في جسمه بس مش فاكر عددهم كام بالظبط
س: وأين استقرت تلك الضربات بجسد المجني عليه المتوفي الي رحمة مولاه تحديدا آنذاك؟
ج: هو انا ضربته في رقبته من الناحية اليمين ودبحته وضربته في بطنه كذا ضربه وفي ظهره.
س: وهل كان باستطاعتك موالاة التعدي علي المجني عليه المتوفي الي رحمة مولاه آنذاك؟
ج: أيوه
س: وما الذي حال دون ذلك؟
ج: بسبب ان عم عبد العظيم اللي هو السيد خرج علي الزعيق بتاع عبد العظيم وهو بيقول الحقني يا عمي وكان معاه عصاية عاوز يضربني بيها.
س: وما هي المسافه التي كانت تفصل فيما بينك وبين المتهم حال تعديك عليه آنذاك تحديدا؟
ج: هو مكنش في أي مسافه بينا خالص انا كنت حاضنه وماسكه جامد وضربته اول ضربه في رقبته
س: وما هي واجهتك بالنسبه للمجني عليه المتوفي الي رحمة مولاه بعدا ومستوا واتجاها تحديدا آنذاك؟
ج: هو انا كنت نازل انا وهو من علي السلم وكنت مبيت النيه الي امسكه وأغفله واضربه في رقبته على طول وفعلا مسكته واتملكت منه وحطيته تحت دراعي وطاعت السكينه وضربته بيها أكثر من ضربه
س: وما هي حالة الضوء والرؤية تحديدا آنذاك؟
ج: هو النهار كان طالع واحنا كنا بعد الظهر وكنت شايفه كويس
س: وما هي حالة الطريق من حيث الماره آنذاك؟
ج: هو انا وعبد العظيم كنا في مدخل البيت بتاعهم في الدور الأرضي ومكنش في حد موجود ساعتها غير عنه السيد ومطلعش غير لما عبد العظيم نده عليه وقال الحقني يا عم
س: وما الذي حدث عقب ذلك تحديدا؟
ج: عمه السيد طلع ولقيته ماسك خشبه أو عصابة في ايده بعد ما عبد العظيم نده علي عمه السيد انا فضلت ماسك فيه ويضرب فيه بالسكينه ومردتش اسيبه وبعدين عمه
س: وما التصرف الذي بدر منك عقب ذلك تحديدا؟
ج: انا بعد ما السيد عم عبد العظيم خرج وهو ماسك العصابه اللي كانت معاه لقيته حاول يضربني بيها وانا ساعتها فديت الضربة دي ساعتها انا كملت ضرب علي عبد العظيم بالسكينة وبعدها انا جريت وخرجت من باب البوابة الحديد بتاع البيت بتاعهم
س: وما الذي حدث للمجني عليه سالف الذكر تحديدا آنذاك؟
ج: انا معرفش انا بعد ما ضربته كذا ضربه ودبحته في رقبته وعمه السيد خرج بالعصابه اللي كانت معاه علشان يضربني وانا فوتت الضربه وكملت ضرب بالسكينه في عبد العظيم وسبته بعدها وخرجت جري من البيت وجريت على الشارع
س: وما هي واجهتك تحديدا آنذاك؟
ج: انا جريت على البيت بتاعنا في بندر اشمون
س: وما هي المسافة الفاصله بين المنزل خاصتك والمنزل الخاص بالمجني عليه محل الواقعه تحديدا؟
ج: هو انا بين بيتي وبيت عبدالعظیم مسافه بسيطه
س: وما هي المسافة التي تفصل بين منزل المجني عليه المتوفي الي رحمة مولاه وبين منزل أهلية زوجتك تحديدا؟
ج: هما جيران وبينهم جنب بعض
س: ومع من تقابلت عقب فرارك من منزل المجني عليه وارتكابك للواقعه محل التحقيق تحديدا؟
ج: انا روحت على بيتنا واتقابلت مع اخويا واهلي
س: وما هي الحالة التي كنت عليها تحديدا آنذاك؟
ج: انا كان معايا السكينه اللي موت بيها عبد العظيم وكان عليها اثار دم وهدومي كلها كانت غرقانه دم
س: وهل من ثمة حوار دار فيما بينك وبين أيا من اهليتك آنذاك؟
ج: أيوه
س: من وما هو مضمون ذلك الحوار تحديدا؟
ج: هما لما شافوا شكلي بالسكينه دي وهدومي كلها دم سالوني ايه اللي عمل فيا كده وانا قلتلهم على اللي حصل والي قتلت عبد العظيم ودبحته بالسكينه اللي كانت معايا دي وانا ساعتها حطيت السكينه تحت السرير بتاع ابويا في الدور الأرضي
س: وما التصرف الذي بدر من اهليتك آنذاك؟
ج: هما ضربوني واخدوني وجابوني على المركز وسلموني لمركز الشرطة
س: وهل كان بحوزتك السلاح الأبيض المستخدم في ارتكاب تلك الواقعة تحديدا آنذاك؟
ج: لا
س: وما الذي حال دون ذلك؟
ج: انا خبيتها في البيت عندنا في الأوضه في الدور الأرض بتاع ابويا
س: وما الذي حدث حال تواجدك بديوان مركز الشرطة آنذاك؟
ج: انا دخلت في المباحث والظباط كانوا هناك وسالونى على اللى حصل وقولتلهم ايوة انا اللي ضربت عبدالعظيم وبعد كدة سالوني على السلاح قولتلهم انه موجود في البيت بتاعى وبعد كدة عرفت انهم جابوه من البيت.
س: ما صلتك بالسلاح المعروض عليك والسابق فضه؟
ج: السلاح ده مش ده اللى انا استخدمته في الواقعة لكنه كان موجود في البيت عندى
س: وما قولك فيما ثبت بمحضر الضبط الخاص بك من ارشادك المحرره عن مكان تواجد السلاح المستخدم بالواقعة وعثوره على ذلك السلاح بمنزلك؟
ج: أيوة انا قولتله على السلاح في البيت بس مش ده اللي ضربت بيه عبدالعظیم
س: وهل كان ذلك السلاح بحوزتك حال قيامك بالتعدى علي المجنى عليه آنذاك؟
ج: لا مكنش معايا
س: وما تعليلك لعثور الرائد احمد ندا محرر المحضر سالف البيان على ذلك السلاح بمنزلك بارشادك؟
ج: انا قولتله كدة ساعتها علشان كنت خايف
س: وما هو السلاح المستخدم في ارتكاب الواقعة تحديدا؟
ج: انا ضربت عبدالعظيم بالسكينة اللي كانت معايا
س: وأين ذلك السلاح الان تحديدا؟
ج: انا كنت مخبيه في البيت بتاع ابويا في الدور الأرضي تحت السرير بعد لما ضربته وروحت
س: وأين قمت باخفاء ذلك السلاح تحديدا بمنزلك؟
ج: انا كنت مخبيه تحت السرير في الأوضة بتاعة النوم اللى في الدور الارضى بتاع ابويا في البيت بتاعنا
س: وأين يقع منزلك تحديدا؟
ج:البيت بتاعنا في اشمون ورا جامع الغماري في بندر اشمون
س: هل انت مستعد للانتقال رفقتنا لارشادنا عن مكان تواجد السلاح الأبيض ( السكين ) المستخدم في ارتكاب تلك الواقعه والذي كان بحوزتك آنذاك؟
ج: ايوة انا مستعد لذلك
س: ما قولك فيما ثبت من اله حال الانتقال رفقتك لمنزلك بيندر اشمون عثرنا على سلاح ابيض (سكين) مخباه اسفل
ج: ايوة هو ده السلاح اللي موت بيه عبد العظيم وهو ده السلاح اللي كان معايا وانا خبيته بعد ما رجعت البيت تحت السرير
س: ومن این استحصلت على ذلك السلاح؟
ج: انا جيبته من البيت قبل ما انزل واروح لعبد العظيم بيته واضربه
س: وما هي المده التي استغرقتها في التعدي علي المجني عليه المتوفي الي رحمة مولاه حال تعديك عليه وقتله باستخدام السلاح الأبيض الذي كان بحوزتك آنذاك تحديدا؟
ج: انا مش فاكر الوقت قد ايه بس انا فضلت اضرب فيه بالسكينه في جسمه كله
س: وهل سبق وان حاولت قتل المجني عليه المتوفي الي رحمة مولاه والتخلص منه؟
ج: لا هو انا مفكرتش في قتل عبد العظيم غير من بعد ما مراتي ما غضبت وسابت البيت بسبب ان هي عاوزة تاخد دروس وتكمل تعليمها وبعد ما كلمت عبد العظيم ونبهت عليه ان هو مراتي متاخدش عنده دروس وهو ساعتها رفض وزعق معايا في التليفون انا من ساعتها فكرت اني اموته واخلص منه
س وما هي المدة التي استغرقتها في التفكير لارتكابك لتلك الواقعة؟
ج: هو من ساعة ما انا قلت لعبد العظيم ميديش مراتي درس وهو قالي احكم على مراتك ومتحكمش عليا لغاية ما نفذت معاه وقتلته بس مش فاكر انا كلمته أمتي بس هو اللي انا فاكرة ان مراتي اخر مرة غضبت فيها من حوالي ٣ أسابيع وانا كلمته ساعتها ونبهت عليه وشدينا مع بعض في التليفون
س: وما هي تحديدا كيفية ارتكابك لتلك الواقعة وقتل المجني عليه المتوفي الي رحمة مولاه تعالي - عبد العظيم حمدي عبد العظيم تحديدا؟
ج: هو انا لما كلمت الأستاذ عبد العظيم وباقي المدرسين اللي مراتي بتاخد عندهم درس وساعتها الاستاذ عبد العظيم قالي ان احكم علي مراتي بس ومحكمش عليه انا ساعتها اتضايقت وقررت اني انا لازم امونه واخلص منه وبعدها انا فکرت همونه ازاي وفكرت في كذا طريقة واستقريت الي هجيب سكينة وادبحه بيها وجبت السكينة من مطبخ البيت بتاعي وخبيتها في هدومي ورحت علي بيتهم ولقيت بوابة بيتهم مفتوحه ودخلت من البوابة وطلعت على سلم بينهم وخيطت علي باب شقته وفتحلي الباب وقلتله انا عاوزك في كلمتين تحت وقالي ماشي ونزل معايا وساعتها انا طلعت السكينة من جنبي اليمين وضربته بيها في رقبته ودبحته ساعتها من رقبته وضربته كذا ضربه في جسمه وبطنه وظهره وعبد العظيم نده علي عمه السيد وقاله الحقني يا عمي وبعدها عمه السيد طلع بعصايا علشان يضربني بيها وانا ساعتها فاديت الضربة وكملت ضرب علي عبد العظيم ولما عمه حاول يجي عليا ثاني انا سبت عبد العظيم وطلعت جريت على البيت عندنا
س: وهل تأكدت من ازهاق روح المجني عليه المتوفي الي رحمة مولاه سالف الذكر عقب قيامك بطعنه بالسكين خاصتك والتعدي عليه آنذاك؟
ج: هو انا الضربات التي ضربتها لعبد العظيم بالسكينه كلها في جسمه والضربه اللي انا كنت متاكد انها هتموته اول ضربه اللي كانت في رقبه ودبحته بيها وكنت متاكد انه هيموت حتى بعد ما عمه خرج وحاول يضربني ويحوش عن عبد العظيم
س: وأين الهاتف المحمول خاصتك؟
ج: معرفش
س: وما هي آخر مرة قمت فيها بالتحدث مع المجني عليه المتوفي الي رحمة مولاه قبيل ارتكابك للواقعه تحديدا آنذاك؟
ج: انا مش فاكر بالضبط آخر مرة كانت امتي
س: وما هي مولاء سالف الذكر واعطائة الدروس لها؟ اخر مرة لما الي علمك بقيام زوجتك سالفة الذكر بالذهاب الي منزل المجني عليه! المتوفي الي رحمة
ج: هو انا عرفت ان زوجتي بتاخد دروس عند الأستاذ عبد العظيم والكلام ده عرفت بيه بعد ما مراتي غضبت آخر مرة من حوالي 3 أسابيع وراحت بيت أهلها جنب بيت الأستاذ عبد العظيم
س: واثناء تلك الفترة تحديدا لم تراودك نفسك عن الرجوع على عدم ارتكابك لتلك الواقعة وقتل المجني عليه المتوفي الي رحمة مولاه آنذاك؟
ج: لا انا في الفترة دي كنت بفكر هموته ازاي
س: وهل كنت على علم مسبق بمكان تواجد المجني عليه بمسكنه آنذاك؟
ج: ايوه
س: وكيف كان ذلك تحديدا؟
ج: علشان انا كنت براقبه واعرف مواعيد الدروس بتاعته واعرف هو بيرجع بيته امتي ومتأكد ان هو في البيت في الوقت اللي روحتله فيه علشان اقتله والوقت ده كنت عارف ان مفيش دروس بيدها لحد علشان كده رحتله في التوقيت ده وقتلته
س: وما سبب قيامك تحديدا بارتكاب تلك الواقعه وقتل المجني عليه تحديدا؟
ج: هو انا قتلته علشان مسمعش كلامي وكان بيدي درس لمراتي رغم اني نبهت عليه ان هو ميدهاش درس وعلشان انا بغير على مراتي وبالذات منه هو
س: وهل نما الي علمك بوجود ثمة علاقة أو أي تواصل فيما بين زوجتك سالفة الذكر وبين المجني عليه المتوفي الي رحمة مولاه تفيد وجود أي علاقة فيما بينهما؟
ج: لا انا مشفتش أي حاجه ومسمعتش أي حاجه من الكلام ده بس انا بغير علي مراتي قوي وبالذات من عبد العظيم
س: وما سبب تلك الغيرة من المجني عليه المتوفي الي رحمة مولاه تحديدا؟
ج: علشان مراتي بتاخد دروس عنده وعلشان هما جيران في البيت وبرده علشان انا نبهت عليه وقلتله ان مراتي متاخدش درس عنده وهو ساعتها رفض وقالي الي محكمش عليه واحكم على مراتي بس
س: وهل من ثمة سبق إصرار وترصد وليه مبيته كانت موجوده لديك على ارتكابك لتلك الواقعه واتباتك تلك الأفعال
ج: ايوة انا كنت مبيت النيه وقاصد انى اقتل عبد العظيم واخلص منه
س: وما الذي دعاك لقتل المجني عليه المتوفي الي رحمة مولاه بتلك الطريقه التي قمت بقطه بها تحديدا؟
ج: علشان انا كنت مغلول منه قوي ومصمم الى اموته واخلص منه لاني كلمته وهو رد عليا في التليفون وزعالي وقالي اني محكمش عليه واحكم على مراتي والكلام ده خلاني عاوز امونه واخلص منه
س: هل تتعاطي ثمة مواد مخدرة؟
ج: ايوه انا بشرب حشيش بس على فترات
س: وما هي اخر مرة قمت بتعاطي تلك الماده المخدرة تحديدا؟
ج: انا مش فاكر
س: ومن این تتحصل على تلك المواد المخدرة تحديدا؟
ج: انا بشتريها من ناس بس معرفش أسمائهم ايه
س: وهل تلك الملابس التي ترتديها والتي ثبت للنيابه العامه اثناء مناظرتك من وجود اثار الدماء عليها هي ذاتها الملابس التي كنت ترتديها وقت ارتكابك لتلك الواقعه وقتل المجني عليه المتوفي الي رحمة مولاه سالف الذكر تحديدا آنذاك؟
ج: ايوة
س: وهل ما ثبت من مناظرة النيابه العامه لك من وجود اثار دماء علي تلك الملابس خاصة بدماء المجني عليه المتوفي الي رحمة مولاه سالف الذكر؟
ج: ايوة هي دي اثار الدماء بتاعة عبد العظيم حمدي
س: مطلوب منك تغير تلك الملابس وارتداء ملابس اخري لارسال تلك الملابس لمصلحة الطب الشرعي لفحص النار تلك الدماء المتواجده عليها؟
ج: انا موافق ومستعد لذلك
س: وما هي علاقتك بالمجني عليه المتوفي الي رحمة مولاه تعالي عبد العظيم حمدي عبد العظيم الباجوري وهل من البلد
ج: مفيش أي علاقة بيني وبينه والخلافات اللي قلت عليها دلوقتي الى نبهت عليه ان هو ميديش مراتي درس وهو خلافات؟
س: وما قولك فيما قرره المدعو محمد حمدي عبد العظيم استدلالا بمحضر الشرطة المؤرخ ٢٣-٥-٢٠٢٤ وكذا ما شهد به بتحقيقات النيابة العامة الثابت به؟
ج ايوه انا اللي قتلت عبد العظيم ودبحته
س: وما قولك فيما هو ثابت بالتقارير الطبية الخاصة بالمجني عليه المتوفي الي رحمة مولاه تعالي والثابت عليه تفصيلا؟
ج: ايوه والاصابات دي انا اللي عملتها فيه بالسكينة اللي جبناها من بيتي دلوقتي
س: وما قولك فيما شهد به كلا من / السيد عبد العظيم السيد وندا السيد محمد محمود ونورهان ماجد صلاح الدين وولاء صبري حسن بتحقيقات النيابة العامة والثابت عليها تفصيلا؟
ج ايوه انا اللي قتلت عبد العظيم وديحته.
س: وما هي علاقتك بسالفوا الذكر وهل من ثمة خلافات؟
ج: السيد عبد العظيم السيد يبقي عم عبد العظيم حمدي عبد العظيم اللي انا قتلته وندا السيد محمد محمود معرفهاش خالص ونورهان ماجد صلاح الدين معرفهاش خالص ومفيش مع حد منهم خلافات وولاء صبري حسن دي مراتي وهي غضبانه عند أهلها علشان المشاكل اللي قلت عليها قبل كده ان هي عاوزة تكمل تعليمها وانا رافض وعلشان كده انا موت عبد العظيم علشان بيديها دروس وانا رافض
س: وما قصدك من ارتكاب تلك الواقعة تحديدا؟
ج: انا قصدي اني اموت عبد العظيم حمدي عبد العظيم واموته وادبحه
س: هل سبق لك قضايا مماثله من قبل؟
ج: لا
س: هل لديك ثمة سوابق؟
ج: لا
س: انت متهم بقتل المجني عليه المتوفي الي رحمة مولاه / عبد العظيم حمدي عبد العظيم الباجوري عمدا مع سبق الإصرار والترصد وذلك بان عقدت العزم وبيت النيه على قتله واعددت لذلك الغرض سلاح ابيض ( سكينه - منجه ) وما ان ظفرت به حتي قمت بطعنه عدة طعنات باماكن متفرقة بجسده والتي أودت بحياته قاصدا من ذلك قتله علي النحو المبين بالتحقيقات؟
ج: ايوة انا قتلت عبدالعظيم
س: انت متهم بحيازة واحراز اسلحه بيضاء ( سكينه - سنجه ) دون مسوغ من الضرورة الحرفية والمهنية على النحو المبين بالتحقيقات؟
ج: ايوة انا كان معايا سكينه اللي قتلت بيها عبد العظيم
س: انت متهم بتعاطي احدي المواد المخدرة ( جوهر الحشيش المخدر ) وذلك على النحو المبين بالتحقيقات؟
ج: ايوة انا بتعاطي حشيش
س: هل لديك أقوال أخرى؟
ج: لا
تابعوا آخر أهل مصر على Google News
