شهدت محاكم الأسرة العديد من قضايا الخلع والطلاق خلال هذا الأسبوع، باختلاف الأسباب والدوافع منها الفكاهي ومنها الجاد، أبطال هذه القصص أشخاصون عاديون مثلنا، ولكن كتب لهم القدر أن تسجل اسماءهم فى سجلات القضاء.
وترصد 'أهل مصر' أغرب القضايا التي طرأت على محكمة الأسرة هذا الأسبوع.
إبراهيم لقاضي الأسرة: "خدت شقى عمرى ونزلت مصر عشان ابن عمها"
اتحججت أنها محتاجة تنزل بالأولاد عشان يكملوا تعليمهم في مصر، عشان مش مرتاحين هنا بعد ما سافرت ليا بـ٤ سنين، واحنا متجوزين من 10 سنين، وطول الفترة دى كنت بشيل فلوس عشان الزمن والأولاد، لما قررت تنزل مصر بالأولاد، اقترحت عليا إنها تاخد تحويشة العمر تشيلها في بنك مصر، ما انزل ونشوف طريقة نشغل الفلوس فيها، وثقتى فيها كانت عالية أوى لدرجة عمرى ما فكرت أخبي عليها حاجة، لكن للأسف بعد ما نزلت اتفاجئت انها رفعت دعوى خلع وحضانة الاولاد والفلوس كلها حطتها في حسابها'.. جاءت هذه الكلمات على لسان إبراهيم وهو داخل محكمة الأسرة لإسقاط حضانة أطفاله.
"أسماء" تطلب الخلع: "بعد الجواز بشهرين قفشته بيكلم 3 بنات"
لم تتخيل 'أسماء'، صاحبة ٢٥ عاما أن كل ما كان يقوله زوجها طوال فترة الخطوبة أن يكون أوهاما، حيث يعترف لها ليلا ونهارا أنه لم يعشق فتاة غيرها ولا يرى أي نساء سواها، كانت تصدقه بكل مشاعرها، وتخلص له ويعدها أنه لن يجعلها تندم يوما ما، ليظهر على حقيقته بعد الزواج بشهرين فقط، وتكتشف خيانته لها لتقف داخل محكمة الأسرة لرفع دعوى خلع.
حبيبة في دعوى خلع: "بيمارس الجنس الجماعي في شقتي"
تجلس 'حبيبة'، صاحبة الـ 24 عاما على إحدى مقاعد محكمة الأسرة، ترتدي فستان من اللون الأسود، وتملئ عينها الدموع على وشك السقوط، وكأنها تحمل على كاهليها العديد من المشكلات التى مرت بها على رغم صغر سنها ، تنتظر دورها فى الدخول إلى قاضى الأسرة لنظر دعوى الخلع التى أقامتها على زوجها بعد مرور عام فقط من الزواج، مبررة استحالة العشرة معه.
ريم في دعوى خلع: "كلامه كله ألفاظ قبيحة وابننا بدأ يُلقط منه"
تقدمت ريم صاحبة الـ 24 عاما بدعوى قضائية داخل محكمة الأسرة لرفع دعوى خلع من زوجها بعد 55 سنوات من الزواج مبررة ذلك بقولها: 'لسانه مش كويس، طول الوقت بيقول ألفاظ مش كويسة ومخجلة، وكنت بقوله ديما انى مش بحب طريقته دى فى الكلام أو الشتيمة بألفاظ قبيحة حتى لو هزار، لكن مافيش فايدة لحد ما خلفت وكان عندى أمل يبطل طريقته دى، لكن للأسف زاد من ألفاظه وطريقته غير المحترمة قدام الولد، وكلمت أهله ومفيش فايدة، لحد ما بقيت أحس ان تربية ابنه معاه خطر وهيضيعه، وقررت اننا ننفصل بهدوء، لكن هو أضطرنى للمحكمة'.
"هدى" تطلب الخلع: "عايزني أشتغل وأصرف عليه وهو يقعد في البيت"
لم تتخيل 'هدى'، أن زوجها سيأتي عليه يوم ويترك عمله بحجة أنه متعب ولا يستطيع العمل ليطلب منها الاستمرار في العمل، ويجلس هو في المنزل ليتحمل تربية الأبناء، ما جعلها تقف داخل محكمة الأسرة لرفع دعوى خلع من زوجها بعد 7 سنوات من الزواج مبررة ذلك بقولها:' كان بيشتغل نص الشهر والباقي تعبان وكنت بحاول معاه واضطريت أنزل اشتغل عشان أساعد معاه فى مصاريف البيت لكن هو رفض يشتغل تاني بعد ما ولدت توأم، وساب شغله والغريبة إنه بيقولي انزلي أنتى الشغل وأنا هقعد بالعيال فى البيت وكمان لما بقبض بياخد نص المرتب لمصاريفه الشخصية والباقي مش بيكفي مصاريف البيت '.
تابعوا آخر أهل مصر على Google News
