بعد أزمة مباراة الرجاء.. شوبير: "خلوا الناس تشجع وتتبسط"

حرص الإعلامي أحمد شوبير، على الحديث عن ظاهرة انخفاض أصوات الجماهير في مباراة الأهلي والرجاء المغربي، التي جمعت بين الفريقين، في ذهاب ربع نهائي دوري أبطال إفريقيا.

شوبير: خلوا الناس تشجع وتتبسط

وكتب شوبير عبر صفحته الرسمية على 'تويتر': في مباراة الأهلي والهلال فعلا كان صوت الجماهير بيهز جبال، في مباراة الأهلي والرجاء نفس عدد الجماهير ولكن دون صوت تقريبا، المؤكد إن في حاجة غلط والمفروض إن الجماهير كانت موجودة عشان تشجع وتغني وتؤازر.

وأضاف نجم الأهلي السابق: أكيد الناس كانت رايحة تفرح وتعيد، جمهورنا عظيم بس يا ريت البعض يفهم كده بجد، يا إما بلاها جماهير من الأساس، وريحوا دماغكم، وعلى فكرة هذه التويتة دفاع عن الجمهور وليس العكس.

وواصل شوبير: جمهور الكورة دوره إنه يغني ويشجع ويهتف ويساند ويرفع الأعلام، الجمهور رايح عشان كده، مش عشان يسكت ويضحك لما فريقه يجيب جون، الكورة في الدنيا كلها كده.

واختتم شوبير: إذا كنتم عاوزين الانتصارات في الكورة ترجع تاني والكورة المصرية تعود لسابق عهدها، خلوا الناس تشجع وتتبسط وتستمتع بالذهاب للمدرجات.. خلوها فرحة للولاد ويا سيدي حط الضوابط بتاعتك على العين والرأس.