متحدث الزمالك: بصمات جروس بدأت تظهر على الفريق

كشف أحمد سالم، المتحدث الرسمي لنادي الزمالك، تطورات الأمور في القلعة البيضاء، وموقف النادي من ضم صفقات جديدة، خلال فترة الانتقالات الشتوية الحالية.

وقال متحدث الزمالك في تصريحات عبر برنامج "الكورة مع فايق" :"هناك تتواصل بين كابتن حسين لبيب وجروس بخصوص الصفقات والنادي لس محسمش احتياجاته، وبصمات جروس بدأت تظهر على الفريق»، مضيفًأ: «موضوع الأولويات هو الواقعي والمنطقي ودائما جمهور الزمالك عاوز الأفضل والأحسن".

وتابع: "المجلس بيكون عنده أولويات زي سداد المستحقات وملف التجديد وبعدها الصفقات لو سمحت الظروف زي ما حصل يناير اللى فات".

وأوضح: "المجلس لسه محسمش حاجه علشان لم يتم الإعلان. معندناش صراعات أو مشاكل في أوضة اللبس، يمكن أوضة اللبس هي الأفضل في مصر وفيه روح حلوة، واللي بيتكتب من وحي الخيال".

وأضاف: "فكرة إن أنا أخد قرض بضمان العضويات ده موضوع عادي جدا، طالما فيه حاجه مضمونة تسد بيها القرض ده عادي، وحتى الآن مفيش معلومة رسمية ولو فيه معلومة هنعلن".