أقل من 30 مليون يبقى خايب.. أحمد الطيب يدعم طلبات زيزو للتجديد للزمالك

علق المعلق الرياضي أحمد الطيب على مفاوضات الزمالك لتجديد تعاقد لاعب الفريق أحمد سيد زيزو، والتي تستحوذ على اهتمام الإعلام المصري في الساعات الأخيرة.

وكتب أحمد الطيب عبر حسابه الشخصي على 'فيس بوك':'زيزو لو طلب أقل من 150 مليون فى السنة. ( الدولار ب 51 جنيه ) يبقى خايب و مش عارف مصلحته'.

وأضاف:'الاعب الكبير اللى تأثيره على نادى بحجم الزمالك من حيث القيادة و الأداء، و صناعة الأهداف و إحراز ها ياخد اكتر من كده، لعيبة، أقل من زيزو بمراحل بياخدوا بالدولار مالا يقل عن 2 مليون دولار فى الموسم'.

وأكمل:' خاصة وهو فرى !!! يعنى زيزو لو طلب 100 مليون يبقى ده انسان جميل و محب عاشق للزمالك، و جماهيره و راعى الظروف جداً'.

وواصل:' الناس دى لما بتبطّل كورة ما حدش بيعرفهم !! فى مرض فى عمليات جراحية فى ظروف المعيشة اللى بتتصعّب'.

واستكمال:'زيزو لم يبالغ ابداً، و انتم شايفين اشباه لاعبين، ايوة اشباه لاعبين بياخدو 200 مليون فى الموسم، بخلاف الاعلانات، و مستقبل جيد'.

واستطرد:'زيزو جميل و أبوه لازم يدوّر على مصلحة ابنه طبعاً - وده لا يمنع تقديره و حبه للزمالك و جماهيره'.

وأتم:'وبعدين انت كمشجع، مالك ب 100 مليون او 400 مليون، أنت المهم تتفرج على فريقك، بأداء كويس و نتائج كويسة، رغم الذبح العلنى فى قرارات تحكيم، كويس انك عايش و صامد و بتاخد بطولات'.